प्रेरितां रे कम्म 12:4 - चम्बयाली नौआ नियम

⁴ ते तिसने पतरस जो पकड़ी करी जेल बिच पाई दित्तेया, ते रखवाली तांइ, चार-चार सपाईयां रे चौं पहरा बिच रख्खेया इस इच्छा बिच कि से फसह रे त्याहार रे बाद तिसजो मणूआं रे सामणे तिस पर मुकद्दमा करे।

प्रेरितां रे कम्म 12:4 ပူးပေါင်းရင်းမြစ်များ

मत्ती 24:9

तां तिन्हा लोक्कां ने जे तुसा रे खिलाफ हिन तुसा जो सताणे तांइ पकड़वाणा, ते तिन्हा ने तुसा जो मारी रखणा, ते मेरे पीच्छे चलणे री वजह कने सारी जातियां रे लोक्कां ने तुसा कने नफरत रखणी।

मत्ती 26:5

पर से बोलदे थिये, पर्व रे बेल्ले नी कुथकी इय्यां ना हो की लोक्कां रे मन बिच बलवा मची जाए।

मरकुस 14:1

फसह ते अखमीरी रोट्टी रे त्योहर रे दो रोज्जे पैल्ले, बड्डे पुरोत्त ते शास्त्रि मणू इस गल्ल री तोपा अन्दर थिये, कि से यीशु जो किय्यां धोखे कने पकड़वाई करी मारी रखण।

लूका 21:12

पर इन्हा गल्लां रे होणे का पैले मेरे पीछे चलणे वालेयां मणूआं जो पकड़ी लित्तेया जाणा, तुसा पर मुसीबतां पैणी, तुसा जो यरुशलेम रे सभास्थल बिच लेई जाई करी तिन्हा का देई दैणा, अते तुसा जो जेला बिच ढप्पी दैणा, अते तुसा जो राज्जेयां (न्यायधिशाँ) कने राज्पालां का लेई जाणा।

लूका 22:33

इस गल्ल पर शमौन ने यीशु जो बोल्लेया, ओ प्रभु जी, मैं तुसा कने जेल जाणे जो अते होर तां होर मरणे जो भी तैयार है।

यूहन्ना 19:23

जां सिपाई यीशु जो सुली पर चढ़ाई बैठ्ठे, तां तिन्हा ने यीशु रे कपड़े चार हिस्से बिच बंड्डी करी अप्पु मिते लेई लित्ते, तिन्हेरे चोग्गे बिच कोई सिलाई नी थी पर से उप्पर का थल्ले तिकर पूरा बुणे रा थिया,

यूहन्ना 21:18

मैं तेरे कने सच-सच बोलदा, जां तू जुआन थिया तां तैयार होई करी जित्ते चाह्‍ंदा थिया तित्ते चली जांदा थिया पर जां तू बूड्डा होणा तां तू अपणे हत्थ पसारणे, अते दूज्जे ने तिज्जो तैयार करी के जित्ते तू नी चाह्‍ंदा तित्ते तिज्जो लेई जाणा।

प्रेरितां रे कम्म 12:3

ते जां तिसने दिख्खेया, कि यहूदी मणू तिसका खुस हुन्दे, तां तिसने पतरस जो भी पकड़ी लेया, से रोज अखमीरी रोट्टी रे त्योहर रे रोज थिये।

प्रेरितां रे कम्म 12:5

जेल बिच काफी दिनां तांइ पतरस पर पैहरा लाया गेया थिया, पर कलीसिया, तिसेरे तांइ लौ लाई करी परमेश्वर का प्रार्थना करेया करदी थी।

प्रेरितां रे कम्म 4:28

कि जे किच्‍छ तुसा री ताकत ते सोच रे हिसाब कने ठैहरे, से ही करणे रा फैसला कित्ता।

प्रेरितां रे कम्म 4:3

तिन्हा ने प्रेरितां जो पकड़ी करी अगले दिन तिकर हवालात बिच रख्खेया किजोकी सँझ होई गेरे थी।

प्रेरितां रे कम्म 5:18

ते प्रेरितां जो पकड़ी करी जेलखाने बिच ढप्पी दित्ता।

प्रेरितां रे कम्म 8:3

पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।