प्रेरितां रे कम्म 12:12 - चम्बयाली नौआ नियम

¹² ते ए सोची करी कि परमेश्वर ने तिसजो हेरोदेस रे हत्थां का बचाए रा है, से तिस यूहन्ना जिस जो मरकुस भी बोलदे, तिसेरी मां मरियम रे घरे गेया। तित्ते बड़े विश्वासी मणू इकट्ठा होई करी प्रार्थना करेया करदे थिये।

प्रेरितां रे कम्म 12:12 ပူးပေါင်းရင်းမြစ်များ

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 12:5

जेल बिच काफी दिनां तांइ पतरस पर पैहरा लाया गेया थिया, पर कलीसिया, तिसेरे तांइ लौ लाई करी परमेश्वर का प्रार्थना करेया करदी थी।

प्रेरितां रे कम्म 13:13

पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 13:5

ते सलमीस बिच पूज्जी करी, परमेश्वर रे वचन जो यहूदियां रे सभास्थल बिच सुणाया, ते यूहन्ना मरकुस नां रा इक्क मणू तिन्हेरा सेवक थिया।

प्रेरितां रे कम्म 16:40

पौलुस ते सीलास जेल रे बाहर निकली करी लीदिया रे घरे पूज्जे ते संगी विश्वासियां कने मिल्ले ते पौलुस ते सीलास ने तिन्हेरा होंसला बद्धाया ते तित्ते का चली गे।

प्रेरितां रे कम्म 4:23

से छुटिकरी अपणे साथियां का आए, ते जे किच्‍छ बड्डे पुरोत्तां ते बुजुर्ग लोक्कां ने तिन्हा जो बोल्ले रा थिया, तिन्हा जो सूणाई दित्ता

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

2 तीमुथियुस 4:11

इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

1 पतरस 5:13

जे विश्वासी मणू बेबिलोन सहर बिच रेया करदे हिन, जिन्हा लोक्कां जो परमेश्वर ने तुसा सांई ही चुणे रा है, तुसा जो मेरा नमस्कार। मरकुस, जे मेरे तांइ मुंडे सांई है, से भी तुसा जो नमस्ते बोलदा।