प्रेरितां रे कम्म 11:30 - चम्बयाली नौआ नियम

³⁰ ते तिन्हा ने तिय्यां ही कित्तेया, ते बरनबास ते शाऊल रे हत्थां बुजुर्ग मणू का किच्‍छ पैसे भेजी दित्ते।

प्रेरितां रे कम्म 11:30 ပူးပေါင်းရင်းမြစ်များ

प्रेरितां रे कम्म 12:1

तिस बेल्ले हेरोदेस राज्जे ने कलीसिया रे केई मणूआं जो दुख दैणे तांइ तिन्हा जो कैदी बणाई लित्ता।

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 14:23

ते तिन्हा ने हर-इक्क कलीसिया बिच तिन्हेरे तांइ बुजुर्ग मणू रख्खे, ते ब्रत रख्खी करी प्रार्थना करी के, तिन्हा जो प्रभु रे हत्थां बिच सौंपेया जिन्हा पर तिन्हा ने विश्वास कित्तेया थिया।

प्रेरितां रे कम्म 15:2

जां पौलुस ते बरनबास रा तिन्हा कने मिलणे तांइ यरुशलेम सहर बिच आए तां तिन्हा कने बड़ी बैहस-बाजी होई, ते ए फैसला कित्ता कि पौलुस ते बरनबास, ते असा बिच का किच्‍छ मणू इस गल्ल रे बारे बिच यरुशलेम सहर बिच रैह्णे वाले खास प्रेरितां का ते बुजुर्ग मणू का जाण।

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 15:4

जां पौलुस ते बरनबास यरुशलेम सहर बिच पूज्जे, तां कलीसिया ते खास प्रेरितां ते बुजुर्ग मणू तिन्हा कने खुसी कने मिल्ले, ते तिन्हा ने दस्सेया कि परमेश्वर ने तिन्हा कने होई करी कदेय-कदेय कम्म कित्ते थिये

प्रेरितां रे कम्म 15:6

तां खास प्रेरित ते बुजुर्ग मणू इस गल्ल रे बारे सोच-विचार करणे तांइ कठ्ठी गे

प्रेरितां रे कम्म 16:4

ते सहर-शहर रा सफर करदे तिन्हा ने तित्ते रे विश्वासी लोक्कां जो तिन्हा नियमां जो दसदे थिये जिन्हा जो यरुशलेम रे खास प्रेरितां ने ते बुजुर्ग मणू ने पक्का कित्तेया थिया।

प्रेरितां रे कम्म 20:17

तिनिए मिलेतुस सहर का इफिसुस सहर बिच बसेख भेज्जी करी कलीसिया रे बुजुर्ग लोक्कां जो सदाया।

प्रेरितां रे कम्म 21:18

दूए रोज्जे पौलुस असा जो लेई करी याकूब का गेया, जित्ते सारे बुजुर्ग मणू कठ्ठित्तरे थिये

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 5:17

कलीसिया रा कोई भी मुखिया जे अगर अपणा कम्म सही तरिक्के कने करदा तां तिसेरी इज्जत होणा चाएदी खासतौर पर कलीसिया रे से बुजुर्ग मणू जे परमेश्वर रे बसेख जो सिखांदे ते प्रचार करदे।

1 तीमुथियुस 5:19

जां तांइ दो या त्रै लोक्कां री गवाई ना हो तां तांइ कलीसिया रे कुसकी बुजुर्ग पर पाप करणे रे इल्जाम जो मत मन्नो।

तीतुस 1:5

मैं तेरे जो क्रेते टापू बिच इधेरे तांइ छड्डेया थिया ताकि तित्ते जे कम्म बाकि रेई गे रा है तिजसो तू पूरा करी दे ते तित्ते री हर कलीसिया तांइ बुजुर्ग चुणी लै जिय्यां कि मैं करणे तांइ बोल्लेया थिया।

याकूब 5:14

तुसा बिच जे अगर कोई बिमार है तां कलीसिया रे बुजुर्ग लोक्कां जो सद्दो, ते से प्रभु रे नां कने तिस पर तेल मली करी तिसेरे तांइ प्रार्थना करण,

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

2 यूहन्ना 1:1

मैं यूहन्ना, जे कलीसिया रा बुजुर्ग है, तिस जनानी जो जिस जो परमेश्वर ने चुणे रा है ते तिसेरे बच्चेयां जो ए चीठ्ठी लिख्खेया करदा है। मैं तिन्हा कने प्यार करदा, बल्कि सिर्फ मैं ही नी पर सारे तिन्हा कने प्यार करदे किजोकी असी सारे परमेश्वर री सच्चाई बिच विश्वास करदे।

3 यूहन्ना 1:1

मैं यूहन्ना, जे कलीसिया रा बुजुर्ग है, अपणे प्यारे दोस्त गयुस जो ए चीठ्ठी लिख्खेया करदा है, जिस कने मैं सच्चा प्यार करदा।