प्रेरितां रे कम्म 11:22 - चम्बयाली नौआ नियम

²² तां तिन्हेरी चर्चा यरुशलेम री कलीसिया ने सूणी, ते तिन्हा ने बरनबास जो अन्ताकिया सहर जो भेज्जेया।

प्रेरितां रे कम्म 11:22 ပူးပေါင်းရင်းမြစ်များ

प्रेरितां रे कम्म 11:1

जे प्रेरित ते संगी विश्वासी ने यहूदियां प्रदेश बिच रैहन्दे थिये, तिन्हा ने सूणेया कि गैर यहूदियां ने भी परमेश्वर रे वचन जो मन्नी लेया।

प्रेरितां रे कम्म 11:19

स्तिफनुस रे मारे जाणे रे बाद, विश्वासियां पर बड़ा जुल्म कित्तेया गेया जिस कने से बिखरी करी फीनीके ते साइप्रस ते अन्ताकिया बिच जाई पूज्जे, पर यहूदी लोक्कां जो छड्डी करी होर कोई भी तिन्हेरे मसीह यीशु रा सुब बसेख नी सुणादे थिये।

प्रेरितां रे कम्म 11:20

पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

प्रेरितां रे कम्म 11:27

तिन्हा ही रोज्जा बिच किच्‍छ विश्वासी मणू जे भविष्यद्वक्ता भी थिये, यरुशलेम सहर का अन्ताकिया सहर जो आये।

प्रेरितां रे कम्म 15:2

जां पौलुस ते बरनबास रा तिन्हा कने मिलणे तांइ यरुशलेम सहर बिच आए तां तिन्हा कने बड़ी बैहस-बाजी होई, ते ए फैसला कित्ता कि पौलुस ते बरनबास, ते असा बिच का किच्‍छ मणू इस गल्ल रे बारे बिच यरुशलेम सहर बिच रैह्णे वाले खास प्रेरितां का ते बुजुर्ग मणू का जाण।

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 18:22

फिरी कैसरिया कस्बे पूज्जी करी से यरुशलेम सहर जो गेया ते कलीसिया रे मणूआं जो नमस्ते करी के, फिरी से अन्ताकिया सहर जो चली गेया।

प्रेरितां रे कम्म 6:5

ए गल्ल सारी मण्डली जो ठीक लग्गी, ते तिन्हा ने स्तिफनुस ना रे इक्क मणू जो जे विश्वास ते पवित्रात्मा कने भरित्ते रा थिया, ते फिलिप्पुस, ते प्रुखुरुस, ते निकाकोर, ते तिमौन, ते परमिनास, ते अन्ताकिया रे रैह्णे वाले निकुलाउस जे यहूदी मत बिच आई गे रा थिया, चुणी लित्ता

प्रेरितां रे कम्म 8:14

जां यरुशलेम बिच रैह्णे वाले प्रेरितां ने सूणेया कि सामरिया प्रदेश रे लोक्कां ने परमेश्वर रे वचन जो अपणाई लित्ते रा है, तां तिन्हा ने पतरस ते यूहन्ना जो तिन्हा का भेज्जेया।

प्रेरितां रे कम्म 9:27

पर बरनबास ने तिसजो अपणे कन्ने प्रेरितां का लेई जाई करी तिन्हेरे जो दस्सेया कि किय्यां तिसने दमिश्क कस्बे जाणे रे रस्ते बिच प्रभु जो दिख्खेया ते किय्यां प्रभु जी ने तिस कने गल्लां कित्ती, ते दमिश्क कस्बे बिच किय्यां तिस कने यीशु रा प्रचार कित्तेया।

गलातियों 2:11

पर इक्क दिन जां पतरस अन्ताकिया सहर बिच आया थिया तां मैं लोक्कां रे सामणे तिसेरे खिलाफ बोल्लेया, किजोकी से गलत थिया।

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।