प्रेरितां रे कम्म 11:20 - चम्बयाली नौआ नियम

²⁰ पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 11:20 ပူးပေါင်းရင်းမြစ်များ

मत्ती 27:32

बाहर जादें बेल्ले तिन्हेरे जो शमौन नां रा इक्क कुरेनी मणू तिन्हेरे जो मिल्लेया तिन्हा ने तिसजो बेगार बिच पकड़ेया की से तिन्हेरा सुली चुकी करी लेई चले।

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

प्रेरितां रे कम्म 11:19

स्तिफनुस रे मारे जाणे रे बाद, विश्वासियां पर बड़ा जुल्म कित्तेया गेया जिस कने से बिखरी करी फीनीके ते साइप्रस ते अन्ताकिया बिच जाई पूज्जे, पर यहूदी लोक्कां जो छड्डी करी होर कोई भी तिन्हेरे मसीह यीशु रा सुब बसेख नी सुणादे थिये।

प्रेरितां रे कम्म 11:22

तां तिन्हेरी चर्चा यरुशलेम री कलीसिया ने सूणी, ते तिन्हा ने बरनबास जो अन्ताकिया सहर जो भेज्जेया।

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

प्रेरितां रे कम्म 11:27

तिन्हा ही रोज्जा बिच किच्‍छ विश्वासी मणू जे भविष्यद्वक्ता भी थिये, यरुशलेम सहर का अन्ताकिया सहर जो आये।

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 14:26

ते तित्ते का जहाज बिच अन्ताकिया सहर जो तिस कम्म जो पूरा करी के हटी आये थिये जे करणे तांइ तिन्हा परमेश्वर रे अनुग्रह बिच सौंपेया थिया।

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 15:30

फिरी से बिदा होई करी अन्ताकिया सहर पूज्जे, ते सभा इकट्ठा करी के से चीठ्ठी तिन्हा जो देई दित्ती

प्रेरितां रे कम्म 17:18

तां इपिकुरी ते स्तोईकी पणतां बिच का किन्ने तिस कने तर्क करणे लग्गे, ते कितणेयां ने बोल्लेया, ए अंट-शंट बोलणे वाला कै बोलणा चांदा? पर होरनियाँ ने बोल्लेया, से दूज्जे देवता रा प्रचारक लगदा, किजोकी ए यीशु रा, ते मरी करी फिरी जिन्दे होई जाणे रा सुब बसेख सुणांदा।

प्रेरितां रे कम्म 18:22

फिरी कैसरिया कस्बे पूज्जी करी से यरुशलेम सहर जो गेया ते कलीसिया रे मणूआं जो नमस्ते करी के, फिरी से अन्ताकिया सहर जो चली गेया।

प्रेरितां रे कम्म 2:10

ते फ्रूगिया, पंफूलिया, मिस्र देस, लिबिया प्रदेश, जे कुरेने सहर रे नेड़े-तेड़े हिन, इन्हा सारे देस रे रैह्णे वाले ते रोम सहर रे रैह्णे वाले हिन,

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

प्रेरितां रे कम्म 5:42

से हर रोज मन्दिर बिच ते घर-घर बिच प्रचार करणे, ते इस गल्ल रा सुब बसेख सुनाणे का कि यीशु ही मसीह हिन, नी रुके।

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

प्रेरितां रे कम्म 6:5

ए गल्ल सारी मण्डली जो ठीक लग्गी, ते तिन्हा ने स्तिफनुस ना रे इक्क मणू जो जे विश्वास ते पवित्रात्मा कने भरित्ते रा थिया, ते फिलिप्पुस, ते प्रुखुरुस, ते निकाकोर, ते तिमौन, ते परमिनास, ते अन्ताकिया रे रैह्णे वाले निकुलाउस जे यहूदी मत बिच आई गे रा थिया, चुणी लित्ता

प्रेरितां रे कम्म 6:9

तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

प्रेरितां रे कम्म 8:35

तां फिलिप्पुस ने बोलणा सुरु कित्ता, ते इसी पवित्रशास्त्र का सुरु करी के तिसजो यीशु रा सुब बसेख सुणाया ते तिस किन्नर ने तिन्हा गल्लां जो समजेया ते यीशु पर विश्वास कित्ता।

प्रेरितां रे कम्म 8:5

ते फिलिप्पुस सामरिया प्रदेश रे इक्क कस्बे बिच गेया ते तित्ते मसीह यीशु रे बारे बिच सारेयां जो दसणा लग्गेया।

प्रेरितां रे कम्म 9:20

ते से तौले ही दमिश्क कस्बे रे सभास्थल बिच जाई यीशु रे बारे बिच प्रचार करणा लग्गेया कि से ही परमेश्वर रा पुत्तर हिन।

प्रेरितां रे कम्म 9:29

ते बिना डरे प्रभु रे नां लेई करी प्रचार करदा थिया ते यूनानी भाषा बोलणे वाले यहूदियां कने गल्ल-बात ते बहस-बाजी करदा थिया, पर से तिसजो मारी रखणे री कोसीस करणा लग्गे

1 कुरुन्थियों 2:2

किजोकी मैं ए ठाणी लित्ता थिया कि मैं तुसा लोक्कां बिच मसीह यीशु ते तिन्हेरे सुली पर जान दैणे रे अलावा होर कुसकी चीज रे बारे बिच गल्ल ना करां।

गलातियों 2:11

पर इक्क दिन जां पतरस अन्ताकिया सहर बिच आया थिया तां मैं लोक्कां रे सामणे तिसेरे खिलाफ बोल्लेया, किजोकी से गलत थिया।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,