प्रेरितां रे कम्म 11:18 - चम्बयाली नौआ नियम

¹⁸ ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।

प्रेरितां रे कम्म 11:18 ပူးပေါင်းရင်းမြစ်များ

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

प्रेरितां रे कम्म 11:1

जे प्रेरित ते संगी विश्वासी ने यहूदियां प्रदेश बिच रैहन्दे थिये, तिन्हा ने सूणेया कि गैर यहूदियां ने भी परमेश्वर रे वचन जो मन्नी लेया।

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 21:20

तिन्हा ने ए सुणी करी परमेश्वर री महिमा कित्ती, फिरी तिसजो बोल्लेया, ओ मेरे भाई तू दिखदा ही है कि यहूदियां बिच का केई हजारां लोक्कां ने विश्वास कित्तेया अते परमेश्वर मूसा रे कानून जो लेई करी बड़े वरी खुस हिन

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 3:26

परमेश्वर ने अपणे सेवक जो मरे रे लोक्कां बिच का जिन्दा करी के पैल्ले तुसा का भेज्जेया, कि तुसा बिच का हर इक्क जो तिन्हेरी बुराईयां का हटाई करी तिन्हेरे पास्से लेई आए ते आशीष दे।

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

रोमियों 9:30

तां फिरी असी कै बोलण? गैर यहूदी मणू परमेश्वर री नजरां बिच धार्मिक बणने री कोसीस नी करेया करदे थिये, पर परमेश्वर ने तिन्हा लोक्कां जो धार्मिक ठैहराया, किजोकी तिन्हा लोक्कां ने मसीह बिच विश्वास कित्तेया।

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 7:10

किजोकी परमेश्वर रे पास्से का मिलणे वाला दुख, पाप्पां का तौबा करणे री वजह बणदा, जिसेरा अंजाम छुटकारा है, तिस तरिक्के रे दुख कने पछतावा नी हुंदा, पर दुनियावी दुख हमेसा री मौत री वजह बणदा।

गलातियों 1:24

अते परमेश्वर ने जे कम्म मेरे तांइ कित्ते रा है तिस वजह कने से परमेश्वर री महिमा करणा लगे।