प्रेरितां रे कम्म 11:12 - चम्बयाली नौआ नियम

¹² तां पवित्रात्मा ने मेरे जो तिन्हा कने जाणे जो बोल्लेया, ते ए छे भ्याल मेरे कने चली पे, अते असी तिस मणू रे घरे आये।

प्रेरितां रे कम्म 11:12 ပူးပေါင်းရင်းမြစ်များ

मत्ती 1:20

“जां यूसुफ इन्हा गल्लां रे बारे अन्दर सोच्चेया ही करदा थिया, तां प्रभु रा स्वर्गदूत तिसजो सुपने अन्दर आई करी बोलणा लगेया, ओ यूसुफ! दाऊद री औलाद, तू मरियम जो अपणी लाड़ी बणाणे रा का मत डर, किजोकी जे बच्चा तिसेरे पेट अन्दर है, से पवित्रात्मा रे पास्से का है।

यूहन्ना 16:13

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 10:23

तां तिसने तिन्हा जो अन्दर सद्दी करी तिन्हेरी मेहमान नवाजी कित्ती। ते दूज्जे रोज, से तिन्हा कने गेया, ते याफा रे भाईयां बिच का केई तिन्हा कने गे

प्रेरितां रे कम्म 10:45

ते जितणे लोक्कां रा खतना होये रा थिया जे पतरस कने आये थिये, से सब हैरान होई गे कि गैर यहूदियां पर भी पवित्रात्मा रा दान दित्तेया गेया।

प्रेरितां रे कम्म 11:13

ते तिन्ने दस्सेया कि, मैं इक्क स्वर्गदूत जो अपणे घरे खड़ा दिख्खेया, जिस ने मेरे जो बोल्लेया, कि याफा बिच मणूआं जो भेजी करी शमौन जो जिस जो पतरस भी बोलदे जो सद्दी लेईया।

प्रेरितां रे कम्म 13:2

जां से ब्रत्त समेत प्रभु री अराधना करेया करदे थिये, तां पवित्रात्मा ने बोल्लेया, मेरे तांइ बरनबास ते शाऊल जो तिस सेवकाई तांइ अलग करो जिस तांइ मैं तिन्हा जो चुणी लेरां है।

प्रेरितां रे कम्म 13:4

ते पौलुस ते बरनबास पवित्रात्मा रे भेज्जे रे अन्ताकिया सहर का सिलूकिया सहर रे बंदरगाह जो गे, ते तित्ते का जहाज पर चढ़ी करी साइप्रस टापू जो चली गे।

प्रेरितां रे कम्म 15:7

तां पतरस ने बड़ी बैह्स-बाजी रे बाद खड़े होई करी तिन्हा जो बोल्लेया, ओ भाईयों तुसा जाणदे कि बड़े रोज होये, कि परमेश्वर ने तुसा बिच का मेरे जो चुणी लेरा है, कि मेरे जरिए गैर यहूदी लोक्कां जो सुब बसेख सूणाई करी तिन्हा जो विश्वास पर लियाऊँ।

प्रेरितां रे कम्म 15:9

ते विश्वास रे जरिए तिन्हेरे मन सुच्चे करी के असा बिच ते तिन्हेरे बिच कोई भेद-भाव रख्खेया

प्रेरितां रे कम्म 28:15

रोम रे विश्वासी असा री आणे री खबर सुणी करी अप्पियुस रे बजार नां रे कस्बे ते तीन्न-सराए नां रे कस्बे तिकर असा कने मिलणे जो निकली आये, जिन्हा जो दिख्खी करी पौलुस ने होंसला बन्नेया ते परमेश्वर रा शुक्रिया कित्तेया।

प्रेरितां रे कम्म 8:29

तां पवित्रात्मा ने फिलिप्पुस जो बोल्लेया, जाई करी इस रथ रे नेड़े रे।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

2 थिस्सलुनीकियों 2:2

जे अगर तुसा सूणदे कि मसीह यीशु रे हटणे रा बेल्ला आई गे रा है तां इन्नी असानी कने उदास मत होई जांदे या डरदे मत।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।