प्रेरितां रे कम्म 11:1 - चम्बयाली नौआ नियम

¹ जे प्रेरित ते संगी विश्वासी ने यहूदियां प्रदेश बिच रैहन्दे थिये, तिन्हा ने सूणेया कि गैर यहूदियां ने भी परमेश्वर रे वचन जो मन्नी लेया।

प्रेरितां रे कम्म 11:1 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

मत्ती 8:11

मैं तुसा जो बोलदा कि पूरब ते पश्चिम का मते सारे गैर यहूदियां ने आई करी अब्राहम, इसहाक अते याकूब कने स्वर्ग रे राज बिच रोट्टी खाणा बैह्णा,

मरकुस 16:5

जां से कब्र अन्दर गई तां तित्ते इक्क जवान आदमी जो चिट्टे कपड़ेयां पाए रे ते कब्र अंदर सज्जे पास्से बैठ्ठे रे दिख्खेया। से जनानियां तिस जवान आदमी जो दिख्खी करी हैरान होई गई।

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 28:15

रोम रे विश्वासी असा री आणे री खबर सुणी करी अप्पियुस रे बजार नां रे कस्बे ते तीन्न-सराए नां रे कस्बे तिकर असा कने मिलणे जो निकली आये, जिन्हा जो दिख्खी करी पौलुस ने होंसला बन्नेया ते परमेश्वर रा शुक्रिया कित्तेया।