प्रेरितां रे कम्म 10:7 - चम्बयाली नौआ नियम

⁷ जां स्वर्गदूत तिन्हा जो से गल्लां दस्सी करी तित्ते का चली गेया, तां कुरनेलियुस ने अपणे दो नौक्करां जो सद्देया ते इक्क सिपाई जो सद्देया जे परमेश्वर रे बड़ा भक्त थिया,

प्रेरितां रे कम्म 10:7 ပူးပေါင်းရင်းမြစ်များ

मत्ती 2:13

जां से ज्योतिषी मणू चली गे, तां प्रभु रे इक्क स्वर्गदूत ने यूसुफ जो सुपने अन्दर आई करी बोल्लेया, “उठ, तिस निक्के जो ते तिसेरी मां जो लेई करी मिस्र देस जो नह्सी जा, ते जां तांइ मैं तिज्जो नी बोलगा, तां तांइ तित्ते ही रेयां, किजोकी हेरोदेस राज्जा इस निक्के जो मारणे तांइ तोप्पेया करदा है।”

लूका 2:25

तिन्हा दिनां बिच, यरुशलेम सहर अन्दर शमौन नां रा इक्क मणू रैहन्दा थिया, से परमेश्वर रे रस्ते पर चलणे वाला, भला अते नेक मणू थिया, से बड़ी उम्मीद कने मसीह रे आणे रा इंतजार करेया करदा थिया ताकि से आई करी इस्राएल रे मणूआं जो सांती दये, ते शमौन पवित्रात्मा रे गलाये चलदा थिया।

लूका 3:14

सपाईयां ने भी तिसका ए बोल्ली करी सुआल पुच्छे, अते असा रा कै, असा जो कै करणा चाएदा? तां यूहन्ना ने तिन्हा जो बोल्लेया, कुसकी पर दवाब पाई करी तिन्हा का जादा पैसे मत लेयो अते ना ही कुसकी पर झूठा इल्जाम भी मत लान्दे, अते जितणी तन्खाह् तुसा जो मिलदी, तिस्स कने खुस रेयो

प्रेरितां रे कम्म 10:6

शमौन चमड़े रा धन्धा करणे वाले रे मणू रे घरे परोणा है, जिसेरा घर समुन्द्र कनारे है।

प्रेरितां रे कम्म 10:8

ते तिन्हा जो सब गल्लां दस्सी करी याफा कस्बे बिच पतरस जो सद्दणे तांइ भेज्जेया।

1 तीमुथियुस 6:2

ते जे अगर कुसकी विश्वासी रा मालिक भी कोई विश्वासी है, तां से तिन्हा जो अपणे संगी विश्वासी होणे री वजह कने तुच्छ ना समजे बल्कि से तिन्हेरी होर भी जादा सेवा करेया करे किजोकी से मालिक जिन्हा जो अपणे गुलाम्मां का फायदा मिलदा, से अपणे गुलाम्मां रे संगी विश्वासी होणे री वजह कने तिन्हा कने बड़े ठीक ते भरोस्सेमंद हिन। सारेयां जो ए गल्लां मनणा सिखांदा रेय।

फिलेमोन 1:16

तुसा तिसजो सिर्फ अपणा गुलाम समजदे करी मत रखदे पर से गुलाम का बधी करी है। से अवे इक्क संगी विश्वासी है। मैं तिस कने बड़ा जादा प्यार करदा पर तुसा जो तिस कने अपणे गुलाम ते इक्क मसीही भाई रे तौर पर होर भी जादा प्यार करणा चाएदा।