प्रेरितां रे कम्म 10:34 - चम्बयाली नौआ नियम

³⁴ तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

प्रेरितां रे कम्म 10:34 ပူးပေါင်းရင်းမြစ်များ

मत्ती 22:16

अते तिन्हा ने अपणे चेल्‍लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे।

मत्ती 5:2

तां यीशु तिन्हा जो उपदेस दैणा लगे। तिन्हा ने बोल्लेया

लूका 20:21

तां तिन्हा ने यीशु जो बोल्लेया, गुरु जी, असा जो पता है कि तुसा जे ठीक है से ही बोल्दे अते सेह्ई तुसा सिखांदे भी अते तुसा कुसकी कने कोई भेद-भाव नी करदे बल्कि तुसा सच्चाई अते परमेश्वर रे रस्ते पर चलणा सिखांदे

प्रेरितां रे कम्म 10:33

तां मैं झट तेरे का मणू भेज्जी दित्ते, ते तुसा खरा कित्ता, जे आई गे, अवे असा सब परमेश्वर रे सामणे हिन, ताकि जे किच्‍छ परमेश्वर ने तुसा कने बोल्लेया तिसजो सूणन।

प्रेरितां रे कम्म 15:9

ते विश्वास रे जरिए तिन्हेरे मन सुच्चे करी के असा बिच ते तिन्हेरे बिच कोई भेद-भाव रख्खेया

प्रेरितां रे कम्म 8:35

तां फिलिप्पुस ने बोलणा सुरु कित्ता, ते इसी पवित्रशास्त्र का सुरु करी के तिसजो यीशु रा सुब बसेख सुणाया ते तिस किन्नर ने तिन्हा गल्लां जो समजेया ते यीशु पर विश्वास कित्ता।

रोमियों 2:11

किजोकी परमेश्वर हर इक्क मणू का इक्क-बराबर हिसाब लिंदे।

रोमियों 3:29

परमेश्वर सिर्फ यहूदी लोक्कां रे परमेश्वर नी हिन, पर से गैर यहूदियां रे भी परमेश्वर हिन।

गलातियों 2:6

पर यरुशलेम कलीसिया रे प्रधान मणूआं ने मेरे पर तिस बसेख जो बदलणे रा मेरे पर कोई दवाब नी पाया जे मैं सुणांदा। मेरे जो इस गल्ल रा कोई फरक नी पैंदा कि से प्रधान मणू कै हिन, किजोकी परमेश्वर कोई भेदभाव नी करदे। मेरे जो तिन्हा प्रधान मणूआं का कोई फायदा नी होया।

इफिसियों 6:9

ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

कुलुस्सियों 3:25

किजोकी जे बुरा कम्म करदा रैहन्दा, परमेश्वर ने तिसजो सजा दैणी, ते परमेश्वर कुसकी रा भी पक्षपात नी करदे।

याकूब 2:1

ओ मेरे संगी विश्वासियों, तुसा असा रे महिमामय मसीह यीशु बिच विश्वास करणे वाले मणू हिन, इधेरे तांइ तुसा बिच दूज करणे रा स्वभाव ना हो।

याकूब 2:4

तां कै तुसा अप्पु अदंर दूज नी कित्ती ते गलत सोच कने फैसला नी लित्तेया?

याकूब 2:9

ते जे अगर तुसा इक्क-दूए कने दूज करदे तां पाप करदे; ते मूसा रे कानून तुसा जो गुनेह्गार ठेहरांदा।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।