प्रेरितां रे कम्म 10:11 - चम्बयाली नौआ नियम

¹¹ ते पतरस ने दर्शन बिच दिख्खेया, कि स्वर्ग खुली गेया, ते इक्क बड्डी चाद्दर चारो कुणे का धरती पास्से टंगी दित्ती गयी।

प्रेरितां रे कम्म 10:11 ပူးပေါင်းရင်းမြစ်များ

मत्ती 8:11

मैं तुसा जो बोलदा कि पूरब ते पश्चिम का मते सारे गैर यहूदियां ने आई करी अब्राहम, इसहाक अते याकूब कने स्वर्ग रे राज बिच रोट्टी खाणा बैह्णा,

लूका 3:21

इय्यां होया कि जां सब जणे यूहन्ना का बपतिस्मा लेया करदे थिये तां यीशु ने भी आई करी यूहन्ना का बपतिस्मा लेया, अते जां यीशु प्रार्थना करेया करदे थिये, तां स्वर्ग खुली गेया।

यूहन्ना 1:51

फिरी तिसने बोल्लेया, मैं तुसा कने सच-सच बोलदा कि तुसा स्वर्ग जो खुले रे कने परमेश्वर रे स्वर्गदूतां जो मणू रे पुत्तर, जे मैं ही है, पराले उतरदे कने उप्पर जांदे दिखणा।

यूहन्ना 11:52

ते ना सिर्फ उस जाति तांइ पर इस तांइ भी परमेश्वर रे तित्तर-बित्तर बच्चेयां जो भी इक्क करी दे।

यूहन्ना 12:32

ते जे अगर मैं दुनिया का उच्चे पर चढ़ाया गेया तां सारेयां जो अपणे पास्से छिक्की लैणा।

प्रेरितां रे कम्म 10:12

जिस बिच धरती रे हर तरिक्के रे चौपाए ते रेगंणेवाले जानवर ते आसमान रे पक्षी थिये, जिन्हा बिच से जानवर भी थिये जे मूसा रे कानून रे हिसाब कने असुच्चे मन्ने जांदे थिये।

प्रेरितां रे कम्म 11:5

कि मैं याफा सहर बिच प्रार्थना करेया करदा थिया, ते बेहोश होई करी दर्शन दिख्खेया, कि इक्क बड्डी चाद्दर सांई चारो कुणे का लटकेरा, आसमान का उतरी करी मेरे का आया।

प्रेरितां रे कम्म 7:56

बोल्लेया, दिख्खो, मैं स्वर्ग जो खुले रा ते मणू रे पुत्तर, जे मैं ही है जो परमेश्वर रे सज्जे पास्से खड़ित्ते रा दिख्खेया करदा है

रोमियों 1:16

किजोकी मैं मसीह रा सुब बसेख सुनाणे बिच गर्व करदा। ए सुब बसेख परमेश्वर री से ताकत है जिनिए पैल्ले यहूदी लोक्कां जो छुटकारा दित्तेया, ते अवे गैर यहूदियां जो भी छुटकारा देया करदे हिन।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

गलातियों 2:15

असी गैर यहूदी लोक्कां सांई पाप्पी नी हिन जदेया कि यहूदी मणू तिन्हेरे बारे बिच बोलदे, पर असी पैदा हुंदे का ही यहूदी हिन।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 19:11

फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।