प्रेरितां रे कम्म 1:8 - चम्बयाली नौआ नियम

⁸ पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

प्रेरितां रे कम्म 1:8 ပူးပေါင်းရင်းမြစ်များ

मत्ती 24:14

ते स्वर्ग राज रा ए सुब बसेख सारी दुनिया रे सारे लोक्कां बिच सूणाई जाणी, ताकि सारी दुनिया रे लोक्कां जो मनणे रा मौक्का मिल्ले, तां दुनिया रे मुकणे रा समय आई जाणा।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

मरकुस 16:15

ते यीशु ने तिन्हेरे जो बोल्लेया, “तुसां सारी दुनिया बिच जाई करी, सारी दुनिया रे लोक्कां जो सुब बसेख सुणाओ।

लूका 1:35

तां जिब्राईल स्वर्गदूत ने मरियम जो बोल्लेया, पवित्रात्मा ने तेरे पर उतरणा अते परमप्रधान परमेश्वर री ताकत ने तेरे पर छां करणी, अते से बच्चा जे तेरे का पैदा होणा, से पवित्र होणा, तिसजो परमेश्वर रा पुत्तर बोल्लेया जाणा,

लूका 10:19

दिख्खो, मैं तां तुसा जो कीड़े ते बिच्छुओं जो रौदंणे रा, ते असा रे दुश्मण री सारी ताकत पर जितणे रा अधिकार दित्ते रा है ते तुसा जो कुसकी भी चीज रा कोई नुक्सान नी होणा।

लूका 24:29

पर तिन्हा ने यीशु पर बड़ा जोर पाया अते बोल्लेया, तुसा असा रे का इत्ते रुकी जाओ किजोकी सूरज डूब्बी गे रा है अते सांज्ज होणे वाली है आखिर यीशु तिन्हेरे तित्ते रुकणे तांइ तिन्हा कने अन्दर चली गे

यूहन्ना 15:27

अते तुसा ने भी गवाई दैणी, किजोकी तुसा सुरु का ही मेरे कने रे।

प्रेरितां रे कम्म 1:22

ठीक है कि तिन्हेरे बिच का इक्क मणू हमारे कने यीशु रे मरे रे लोक्कां बिच का फिरी जिन्दे होणे रा गवाह होई जाए।

प्रेरितां रे कम्म 1:5

किजोकी यूहन्ना ने तां पाणी बिच बपतिस्मा दित्ते रा है पर थोड़े रोज्जां बाद तुसा जो पवित्रात्मा रा बपतिस्मा मिलणा।

प्रेरितां रे कम्म 13:31

ते यीशु अपणे प्रेरितां जो जे तिन्हा कने गलील प्रदेश का यरुशलेम सहर जो आये थिये, मते दिनां तिकर दिसदे रे, लोक्कां रे सामणे अवे से मणू ही तिन्हेरे गवाह हिन।

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

प्रेरितां रे कम्म 22:15

किजोकी तैं तिन्हेरे पास्से का सबणी मणूआं सामणे तिन्हा गल्लां रा गवाह होणा जे तैं दिख्खी ते सुणे री हिन

प्रेरितां रे कम्म 3:15

ते तुसा ने हमेसा री जिन्दगी रे राजकुमार जो मारी रख्खेया, जिस जो परमेश्वर ने मुर्देयां बिच का जिन्दा कित्ता ते इस गल्ल रे असी गवाह हिन, ते तिन्निए तिसरा सीद्दा हत्थ पकड़ी करी तिसजो चुक्केया ते तिस्सी बेल्ले तिसेरे पैरां ते गोड्डेयां बिच जोर आई गेया।

प्रेरितां रे कम्म 4:33

प्रेरित बड़ी ताकत कने प्रभु यीशु रे फिरी जिन्दे होई जाणे री गवाई दिदें रे ते तिन्हा सारेयां पर परमेश्वर रा बड़ा अनुग्रह थी।

प्रेरितां रे कम्म 5:32

असी इन्हा गल्लां रे गवाह हिन ते तिय्यां ही पवित्रात्मा भी, जिस जो परमेश्वर ने तिन्हा जो दित्ते रा है जे तिन्हेरा हुकम मनदे

प्रेरितां रे कम्म 6:8

स्तिफनुस अनुग्रह ते ताकत कने भरी करी लोक्कां बिच बड्डे अनौखे कम्म ते चिन्ह-चमत्कार दिखाया करदा थिया

प्रेरितां रे कम्म 8:1

शाऊल स्तिफनुस रे मारे जाणे बिच सहमत थिया। तिस्सी दिन का यरुशलेम सहर री कलीसिया पर बड़ा अत्याचार होणा सुरु होई गेया ते प्रेरितां जो छड्डी करी बाकि सारे यहूदियां ते सामरिया प्रदेश बिच बिखरी गे।

रोमियों 10:18

पर मैं बोलदा कि इस्राएल रे लोक्कां ने मसीह रे बारे बिच बसेख सुणे रा ही है। जिय्यां कि पवित्रशास्त्र बिच लिख्खे रा है, “तिन्हेरा बसेख पूरी दुनिया बिच फैल्ली गेया, ते तिन्हेरा संदेश, दुनिया रे इक्क कुणे का दूज्जे का कुणे तिकर पूज्जी गेया।”

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।