प्रेरितां रे कम्म 1:5 - चम्बयाली नौआ नियम

⁵ किजोकी यूहन्ना ने तां पाणी बिच बपतिस्मा दित्ते रा है पर थोड़े रोज्जां बाद तुसा जो पवित्रात्मा रा बपतिस्मा मिलणा।

प्रेरितां रे कम्म 1:5 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मत्ती 3:6

तिन्हा लोक्कां ने अपणे-अपणे पाप्पां का तौबा करी के यरदन नदी बिच यूहन्ना बपतिस्मा दैणे वाला का बपतिस्मा लित्तेया।

मरकुस 1:8

मैं तां तुसा जो पाणी कने बपतिस्मा दित्तेया पर उन्ने तुसा जो पवित्रात्मा कने बपतिस्मा दैणा।”

लूका 3:16

तां यूहन्ना ने तिन्हा सबणी मणूआं जो ए जवाब दित्ता, कि मैं तां तुसा जो सिर्फ पाणी कने ही बपतिस्मा दिन्दा, पर जे आणे वाला है, से तां मेरे का भी जादा सक्तसाली है, मैं तां इस जोग्गा भी नी है, कि तिन्हेरे जूत्ते रे तस्मे जो भी खोल्ली सकां, तिन्हा ने तां आग्ग ते पवित्रात्मा कने बपतिस्मा दैणा।

यूहन्ना 1:26

यूहन्ना ने तिन्हा जो जवाब दित्ता, मैं ता पाणी कने बपतिस्मा दिंदा पर तुसा रे बिच इक्क इदेया मणू खडिते रा है तिसजो तुसा नी जाणदे।

यूहन्ना 1:31

मैं तां तिसजो पछियाणदा नी थिया कि से मसीह हिन, मैं इधेरे तांइ पाणी कने बपतिस्मा दिंदा आया कि से इस्राएल रे लोक्कां सामणे आई जाए।

यूहन्ना 1:33

मैं तां तिसजो पछियाणदा नी कि से मसीह हिन, पर जिस ने मेरे जो पाणी रा बपतिस्मा दैणे जो भेज्जेया तिसी ने मेरे जो बोल्लेया, जिस पराले तू आत्‍मा जो उतरदे कने रुकदे दिख्खेया से ही पवित्रात्मा कने बपतिस्मा दैणे वाला है।

प्रेरितां रे कम्म 10:45

ते जितणे लोक्कां रा खतना होये रा थिया जे पतरस कने आये थिये, से सब हैरान होई गे कि गैर यहूदियां पर भी पवित्रात्मा रा दान दित्तेया गेया।

प्रेरितां रे कम्म 19:4

पौलुस ने बोल्लेया, यूहन्ना ने तिन्हा लोक्कां जो ही बपतिस्मा दित्ता जिन्हा ने पाप्पां का तौबा कित्तेया, पर तिनिये ए बोल्लेया कि जे मेरे का बाद आणे वाला है, तिस पर मतलब यीशु पर विश्वास करेयो जे मसीह हिन।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

तीतुस 3:5

ते परमेश्वर ने असा जो पाप री सजा मिलणे का बचाया ते ए असा रे धार्मिक कम्मां री वजह कने नी पर तिन्हा ने अपणी दया री वजह कने असा जो इक्क नौई जिन्दगी दित्ती। तिन्हा ने असा रे पाप्पां जो मिटाई दित्तेया ते असा जो इक्क नौआ स्वभाव दित्तेया। तिन्हा ए असा जो अपणा पवित्रात्मा दैणे रे जरिये कित्तेया।