प्रेरितां रे कम्म 1:3 - चम्बयाली नौआ नियम

³ ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

प्रेरितां रे कम्म 1:3 ပူးပေါင်းရင်းမြစ်များ

मत्ती 21:43

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।

मत्ती 28:9

तां यीशु उन्हा जो मिल्ले अते बोल्लेया, सलाम उन्हा ने तिन्हा का जाई करी उन्हेरे पैर पकड़ी करी उन्हेरी प्रणाम कित्ती।

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

मत्ती 4:2

जां यीशु चाली रोज अते चाली रात्तां तिकर ब्रत्त रख्खी बैठ्ठे तां तिन्हा जो भूख लग्गी।

मरकुस 16:19

प्रभु यीशु उन्हा कने गल्लां करणे का बाद स्वर्ग बिच चुक्की लित्ते गे, ते परमेश्वर रे सज्जे पास्से बेई गे।

यूहन्ना 20:26

इक्क हफ्ते बाद तिन्हेरे चेल्‍ले फिरी घरे रे अन्दर थिये, अते थोमा तिन्हेरे कने थिया ते दुआर बन्द थिये, तां यीशु आई करी तिन्हेरे मझाटे खड़े होई गे अते बोल्लेया, तुसा जो सांती मिल्लो।

यूहन्ना 21:1

इन्हा गल्लां रे बाद यीशु ने खुद जो गलीली समुन्द्र (तिबिरियुस) रे कनारे चेल्‍लेयां रे सामणे प्रकट कित्तेया। अते इस तरिके कने सामणे आये;

यूहन्ना 21:14

ए तिज्जी वरी ए कि यीशु मरे रे बिच का जिन्दा होणे का बाद चेल्‍लेयां जो लिब्बे।

प्रेरितां रे कम्म 13:31

ते यीशु अपणे प्रेरितां जो जे तिन्हा कने गलील प्रदेश का यरुशलेम सहर जो आये थिये, मते दिनां तिकर दिसदे रे, लोक्कां रे सामणे अवे से मणू ही तिन्हेरे गवाह हिन।

प्रेरितां रे कम्म 19:8

ते पौलुस सभास्थल बिच जाई करी त्रै महिन्ने तांइ बेखोफ होई करी प्रचार करदा रेया, ते परमेश्वर रे राज रे बारे बिच बैह्स करदा ते समझान्दा रेया।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

प्रेरितां रे कम्म 28:31

ते जे तिसका ईन्दे थिये, से तिन्हा सबणी कने मिलदा रेया ते बगैर रोक-टोकरे बड़ा निड़र होई के परमेश्वर रे राज रा प्रचार करदा ते प्रभु यीशु मसीह री गल्लां सखांदा रेया।

प्रेरितां रे कम्म 8:12

पर जां लोक्कां ने परमेश्वर रे राज ते मसीह यीशु रे नां रा विश्वास कित्तेया जिन्हेरा सुब बसेख फिलिप्पुस सुणाया करदा थिया, तां मते सारे मणू तिसका बपतिस्मा लैणा लगे।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

1 थिस्सलुनीकियों 2:12

कि तुसा इदेइ जिन्दगी जियो जे परमेश्वर जो आदर दिंदी हो, जे तुसा जो अपणे राज ते महिमा बिच हिस्सेदार बणने तांइ सददे।

1 यूहन्ना 1:1

असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।