प्रेरितां रे कम्म 1:25 - चम्बयाली नौआ नियम

²⁵ कि से इस सेवकाई ते प्रेरिताई रा हक्क लै, जिस जो यहूदा मरणे का बाद खाली छड्डी करी तिस जगाह् पर चली गेया जित्ते तिसजो अपणे कम्मां रे हिसाब कने होणा चाएदा।

प्रेरितां रे कम्म 1:25 ပူးပေါင်းရင်းမြစ်များ

मत्ती 25:41

तां मैं पुठ्ठे पास्से वालेयां लोक्कां कने बोलणा ओ अभागे लोक्कों! मेरे का दुर चली जाओ, अते जे आग्ग परमेश्वर ने शैतान ते तिसेरे दूतां तांइ तैयार कित्ती, उस हमेसा तिकर बलणे वाली आग्ग बिच पेई जाओ।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मत्ती 26:24

मणू रा पुत्तर, जे मैं ही है तां जदेया तिसेरे बारे बिच लिख्खे रा है, मरणा जरुरी है पर तिस मणू तांइ अफसोस है जिसेरे वजह कने मणू रा पुत्तर, जे मैं ही है पकड़वाया जादां: जे तिस मणू रा जन्म ही नी हुदां तां तिसेरे तांइ भला हुदां।

यूहन्ना 13:27

टुकड़ा लिंदे ही शैतान तिस बिच समाई गेया, तां यीशु ने तिसजो बोल्लेया, जे तू करेया करदा, झट कर।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

रोमियों 1:5

ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

1 कुरुन्थियों 9:2

जे अगर दूज्जे मणू मेरे जो प्रेरित नी मनदे, तां भी मैं तुसा तांइ प्रभु यीशु रा प्रेरित ही है, किजोकी मैं ही तुसा जो सुब बसेख सुणाया थिया ते प्रभु बिच तुसा रा विश्वास मेरे प्रेरित होणे रे सबूत हिन।

गलातियों 2:8

किजोकी जिय्यां परमेश्वर ने जिय्यां पतरस जो यहूदी लोक्कां बिच प्रेरित रे रुप बिच कम्म करणे तांइ चुणेया, तिय्यां ही तिन्हा ने मेरे जो भी गैर यहूदी लोक्कां बिच प्रेरित रे रुप बिच कम्म करणे तांइ चुणेया।