प्रेरितां रे कम्म 1:24 - चम्बयाली नौआ नियम

²⁴ ते ए प्रार्थना कित्ती, ओ प्रभु तुसा जे सारेयां रे मनां जो जाणदे, ए प्रकट करो कि इन्हा दोन्नां बिच का तुसा कुस जो चुणे रा है,

प्रेरितां रे कम्म 1:24 ပူးပေါင်းရင်းမြစ်များ

लूका 16:15

यीशु ने तिन्हा जो बोल्लेया, तुसा जे मणूआं जो ए जताणा चाह्‍ंदे कि तुसा बड़े सही हिन, पर परमेश्वर तां तुसा रे मनां जो भी जाणदे। दुनिया जिस गल्ल रा बड़ा आदर करदी, से गल्ल परमेश्वर री नजरां अन्दर घटिया हिन।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

प्रेरितां रे कम्म 14:23

ते तिन्हा ने हर-इक्क कलीसिया बिच तिन्हेरे तांइ बुजुर्ग मणू रख्खे, ते ब्रत रख्खी करी प्रार्थना करी के, तिन्हा जो प्रभु रे हत्थां बिच सौंपेया जिन्हा पर तिन्हा ने विश्वास कित्तेया थिया।

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

रोमियों 8:27

ते परमेश्वर जे मन री गल्लां जो जाणदे, से समजी जांदे कि पवित्रात्मा कै बोल्लेया करदे हिन, किजोकी से पवित्र मणूआं तांइ परमेश्वर री इच्छा रे हिसाब कने बिनती करदे।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।