संज्जा बेल्ले जां विश्राम दिन पूरा होई गेया, तां मगदला सहर री मरियम, ते याकूब री मां मरियम, अते सलोमी ने खुश्बू वाली चीजां खरीदी लित्ती कि आई करी यीशु रे लास पर मली सके।
बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा
पर यीशु रे सब जाण-पछाण वाले अते गलील प्रदेश का आए दी जनानियां भी, जे कि गलील का यीशु रे पीछे पीच्छे आई थिया, तित्ते का थोड़े दुर खड़े होई करी इन्हा सब गल्लां जो हुंदे दिख्खेया।
से जनानियां जे गलील का यीशु कने आई थी, से यूसुफ रे पीच्छे-पीच्छे चली पेई, अते तिन्हा ने से कब्र दिख्खी, अते दिख्खया कि यीशु री लास जो कुते रख्खे दा है।
हर बेल्ले ते हर तरिक्के कने पवित्रात्मा रे कहे मुताबिक प्रार्थना ते बिनती करदे रेयो, ते इस गल्ल तांइ जागदे रेयो की परमेश्वर रे सारे लोक्कां तांइ लगातार बिनती करेया करो।