प्रेरितां रे कम्म 1:11 - चम्बयाली नौआ नियम

¹¹ ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

प्रेरितां रे कम्म 1:11 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

मत्ती 24:30

तां मणू रे पुत्तर, जे मैं ही है री निशानी आसमान बिच दिसणी, ते तां दुनिया रे सारे कुल रे लोक्कां ने अपणी छाती कुटणी ते मणू रे पुत्तर, जे मैं ही है जो बड़ी ताकत ते महिमा कने बदलां पर आदें दिखणा।

मत्ती 25:31

जां मणू रे पुत्तर, जे मैं ही है, वापिस हटणा, तां अपणी महिमा बिच अपणे सब स्वर्गदूतां कने आणा, ते मैं अपणे महिमामय सिहांसन पर बेई करी सारी दुनिया रा ईसांफ करणा।

मरकुस 13:26

तां लोक्कां ने मणू रे पुत्तर, जे मैं ही है, जो महान ताकत अते महिमा कने बद्दलां पर आंदे दिखणा।

मरकुस 14:70

पर पतरस फिरी मुकरी गेया, ते थोड़ी हाण बाद नेड़े खड़ितेरे लोक्कां ने फिरी पतरस जो बोल्लेया, “तू जरुर तिन्हा बिच का इक्क है किजोकी तू भी गलील प्रदेश रा है।”

मरकुस 16:19

प्रभु यीशु उन्हा कने गल्लां करणे का बाद स्वर्ग बिच चुक्की लित्ते गे, ते परमेश्वर रे सज्जे पास्से बेई गे।

लूका 21:27

तां सब मणूआं ने मणू रे पुत्तर, जे मैं ही है जो अपणी ताकत अते तिन्हेरी जै जै कार हुन्दे बदला बिच का आन्दे दिखणा।

लूका 24:5

डरे रे मारे तिन्हा ने अपणे मूह् जमीन पास्से करी दित्ते दो मणूआं ने तिन्हा जो बोल्लेया जे जिन्दा है तिसजो तुसा मुर्दे बिच किजो तोपदे हिन?

यूहन्ना 14:3

मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

प्रेरितां रे कम्म 1:2

अपणे स्वर्ग पर चुक्के जाणे का पैल्ले तिन्हा ने अपणे चुणे रे प्रेरितां जो पवित्रात्मा री ताकत कने हुकम दित्ते।

प्रेरितां रे कम्म 1:22

ठीक है कि तिन्हेरे बिच का इक्क मणू हमारे कने यीशु रे मरे रे लोक्कां बिच का फिरी जिन्दे होणे रा गवाह होई जाए।

प्रेरितां रे कम्म 1:9

ए बोल्ली करी ओ तिन्हेरे दिखदे-दिखदे ही परमेश्वर ने तिन्हा जो स्वर्ग पर चुक्की लित्ता, ते बदलां ने तिन्हेरे जो प्रेरितां री हाख्खियां का लुकाई लित्तेया।

प्रेरितां रे कम्म 13:31

ते यीशु अपणे प्रेरितां जो जे तिन्हा कने गलील प्रदेश का यरुशलेम सहर जो आये थिये, मते दिनां तिकर दिसदे रे, लोक्कां रे सामणे अवे से मणू ही तिन्हेरे गवाह हिन।

प्रेरितां रे कम्म 2:7

से सारे बड़े वरी हैरान होई करी बोलणा लग्गे, दिख्खो, ए जे बोल्लेया करदे हिन कै सारे गलीली प्रदेश रे रैह्णे वाले मणू नी हिन?

प्रेरितां रे कम्म 3:12

ए दिख्खी करी पतरस ने लोक्कां जो बोल्लेया, ओ इस्राएलियों, तुसा इस मणू पर हैरान किजो होया करदे हिन, ते असा पास्से इय्यां किजो दिख्खेया करदे हिन कि मन्नों असा ही ने अपणी ताकत या भक्ति कने इसजो चलणे-फिरणे जोग्गा बणाई दित्ता।

प्रेरितां रे कम्म 3:21

जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

1 थिस्सलुनीकियों 4:16

किजोकी प्रभु यीशु ने अप्पु ही स्वर्ग का उतरणा ते जोर सणे ललकार होणी ते प्रधान दूत री अवाज सुनिणी ते परमेश्वर री तुरही बजाई जाणी, ते जे विश्वासी मणू मरी चुके रे होणे, पैल्ले तिन्हा सारेयां जो फिरी जिन्दा कित्तेया जाणा।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!