3 यूहन्ना 1:9 - चम्बयाली नौआ नियम

⁹ मैं पैल्ले भी तुसा री कलीसिया रे विश्वासियां जो इक्क चीठ्ठी लिख्खी थी। पर दियुत्रिफेस ने मेरी गल्लां जो मनणे का इन्कार करी दित्तेया किजोकी से हमेसा का अप्पु ही कलीसिया रा मुखिया बणना चाह्‍ंदा।

3 यूहन्ना 1:9 ပူးပေါင်းရင်းမြစ်များ

मत्ती 7:8

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

मरकुस 9:34

चेल्‍ले चुप्प रे, किजोकी रस्ते बिच से अप्पु-मिते ए बैह्स करदे थिये कि असा बिच का बड्डा कुण है?

मरकुस 9:37

“जे कोई मेरे नां कने इदेय निक्केयां बिच का इक्क जो भी अपणांदा, से मेरे जो अपणांदा, अते जे कोई मेरे जो अपणांदा, से मेरे जो नी पर मेरे भेजणे वाले जो अपणांदा।”

लूका 9:48

ते तिन्हा जो बोल्लेया, जे भी मेरे नां कने इस निक्के जो अपणाई लिंदा, से मेरे जो अपणाई लिंदा, ते जे मेरे जो अपणाई लिंदा, से परमेश्वर जो अपणाई लिंदा, जिन्हा ने मेरे जो भेज्जे रा है, किजोकी जे तुसा बिच सबणी का छोटा है, सेह्ई सबणी का बड्ड़ा है

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।

3 यूहन्ना 1:8

इधेरे तांइ असी विश्वासी मणूआं जो इदेय मणूआं जो अपणे घरे रुकाई करी ते तिन्हेरी जरुरत री चीजां देई करी तिन्हेरी मदद करणी चाएदी ताकि असी भी तिन्हेरे सच्चाई रे बसेख जो सुनाणे रे कम्म रे हिस्सेदार बणी सकण।