3 यूहन्ना 1:8 - चम्बयाली नौआ नियम

⁸ इधेरे तांइ असी विश्वासी मणूआं जो इदेय मणूआं जो अपणे घरे रुकाई करी ते तिन्हेरी जरुरत री चीजां देई करी तिन्हेरी मदद करणी चाएदी ताकि असी भी तिन्हेरे सच्चाई रे बसेख जो सुनाणे रे कम्म रे हिस्सेदार बणी सकण।

3 यूहन्ना 1:8 ပူးပေါင်းရင်းမြစ်များ

मत्ती 10:14

जे कोई तुसा जो नी अपणांदा अते तुसा री गल्लां नी सूणदा, तां तिस घर या तिस सहर का जांदे बेल्ले अपणे पैरां का धूल झम्मी आयो।

मत्ती 10:40

जे तुसा जो अपणाई लिंदा, से मेरे जो अपणाई लिंदा, अते जे मेरे जो अपणांदा से मेरे भेजणे वाले जो अपणाई लिंदा।

लूका 11:7

ते से अन्दर का जवाब देयो, कि मेरे जो तंग मत करां दुआर बन्द होई गे रा है, मैं बिस्तर अन्दर मेरे कन्ने मेरे निके-निके चैन कने सुत्ते रे हिन, इधेरे तांइ मैं अब्बे बाहर आई करी तिज्जो रोटियां नी देई सकदा

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

2 कुरुन्थियों 8:23

जे कोई तीतुस रे बारे बिच पुच्छे, तां बोल्लेयो कि से मेरा साथी ते मेरे कने कम्म करणे वाला मेरा सहकर्मी है, ते जे असा रे विश्वासी भाईयां रे बारे बिच पुच्छे, तां दस्सेयों कि से कलीसिया रे दूत ते मसीह यीशु जो महिमा दैणे वाले मणू हिन।

फिलिप्पियों 4:3

ते मैं मसीह री सेवा करणे वाले अपणे विश्वासी भ्याल सुजुगस का ए बिनती करदा, कि से तिन्हा जनानियां बिच भी सुलह कराई दये किजोकी तिन्हा जनानियां ने मसीह रा सुब बसेख फैलाणे बिच मेरे, क्लेमेंस ते मेरे बाकि रे साथियां कने बराबर मैहनत कित्ते री है। ते तिन्हेरे नां जिन्दगी री कताब बिच लिख्खे गेरे हिन।

कुलुस्सियों 4:11

अते यीशु भी जिस जो मणू यूसतुस भी बोलदे, तुसा जो तिसेरा भी प्रणाम। यहूदी विश्वासियां बिच वस ए ही त्रै मणू हिन, जे परमेश्वर रे राज तांइ मेरे कने कम्म करेया करदे हिन, अते तिन्हा ने मेरे जो बड़ा वरी उत्साहित भी कित्ते रा है।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।

3 यूहन्ना 1:7

किजोकी से मसीह यीशु रे बसेख रा प्रचार करणे तांइ सफर पर निकली पेय रे हिन अते से मसीह यीशु बिच विश्वास ना करणे वाले लोक्कां का कोई मदद नी लिंदे।

3 यूहन्ना 1:9

मैं पैल्ले भी तुसा री कलीसिया रे विश्वासियां जो इक्क चीठ्ठी लिख्खी थी। पर दियुत्रिफेस ने मेरी गल्लां जो मनणे का इन्कार करी दित्तेया किजोकी से हमेसा का अप्पु ही कलीसिया रा मुखिया बणना चाह्‍ंदा।