3 यूहन्ना 1:7 - चम्बयाली नौआ नियम

⁷ किजोकी से मसीह यीशु रे बसेख रा प्रचार करणे तांइ सफर पर निकली पेय रे हिन अते से मसीह यीशु बिच विश्वास ना करणे वाले लोक्कां का कोई मदद नी लिंदे।

3 यूहन्ना 1:7 ပူးပေါင်းရင်းမြစ်များ

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

प्रेरितां रे कम्म 20:33

मैं कुसकी रे चाह्‍ंदी, सोन्ने या कपड़े रा लालच नी कित्तेया

प्रेरितां रे कम्म 20:35

मैं तुसा जो सब किच्‍छ करी के दस्सेया कि इस तरिक्के कने मैह्नत करी के कमजोर मणूआं जो सम्भालणा ते प्रभु यीशु रे वचनां जो याद रखणा जरुरी है, जे तिन्हा ने अप्पु ही बोल्ले रा है, लैणे का दैणा धन्न है

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

प्रेरितां रे कम्म 8:4

पर जे विश्वासी बिखरी गे थिये से जित्ते भी गे तित्ते सुब बसेख सुणादे गे।

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

1 कुरुन्थियों 9:18

तां मेरी मजूरी ए है कि मैं मुफ्त बिच मसीह यीशु रा सुब बसेख सूणां ते हालांकि मेरे जो तुसा का आर्थिक मदद लैणे रा हक है तां भी मैं इस काबिल है कि बगैर तिसेरे मैं सुब बसेख रा प्रचार करां।

2 कुरुन्थियों 12:13

मैं तुसा कने वस इक्क चीज नी कित्ती जे मैं दूज्जे कलीसियां रे लोक्कां कने कित्ती, कि मैं तुसा पर आर्थिक तौर पर बोझ नी बणेया, तुसा जो अगर ए लगदा कि मैं इय्यां करी के तुसा कने किच्‍छ गलत कित्ते रा है, तां मेरे जो माफ करी देयो।

2 कुरुन्थियों 4:5

दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

फिलिप्पियों 2:9

इस वजह कने परमेश्वर ने तिन्हा जो सबणी का बड्डे पद पर बिठाया ते तिन्हा जो इक्क इदेया नां दित्तेया जे हर नां का बड्डा है।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

3 यूहन्ना 1:8

इधेरे तांइ असी विश्वासी मणूआं जो इदेय मणूआं जो अपणे घरे रुकाई करी ते तिन्हेरी जरुरत री चीजां देई करी तिन्हेरी मदद करणी चाएदी ताकि असी भी तिन्हेरे सच्चाई रे बसेख जो सुनाणे रे कम्म रे हिस्सेदार बणी सकण।

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।