3 यूहन्ना 1:6 - चम्बयाली नौआ नियम

⁶ तिन्हा बिच किच्‍छ विश्वासियां ने कलीसिया रे विश्वासियां जो तेरे बारे बिच दस्से रा है कि तू संगी विश्वासियां कने किन्ना जादा प्यार करदा। अवे मैं तेरे जो बोलदा कि जां से मणू कुसकी जगाह् बिच सफर करणे तांइ जांदे तां तेरे जो तिन्हा लोक्कां री तिन्हेरी जरुरत री चीजां देई करी मदद करदे रैह्णा चाएदा किजोकी इस कने परमेश्वर खुस हुंदे।

3 यूहन्ना 1:6 ပူးပေါင်းရင်းမြစ်များ

प्रेरितां रे कम्म 15:29

कि तुसा मूर्तां जो भेंट कित्ते री रोट्टी तुसा जो नी लैणी चाएदी ते व्यभिचार का बची रेंन गला घोटी करी मारे रे जानवर रा मांस ना खाण ते खून जो कदी ना खाण। इन्हा सबका दुर रेयो तां तुसा रा भला होणा, अग्गे बिदा।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

रोमियों 15:24

इधेरे तांइ जिस बेल्ले मैं स्पेन देस जो जाणा, तां तुसा का हुंदे होए जांगा। किजोकी मेरे जो आस है कि तिस सफर बिच तुसा कने मैं मिली लेयां, ते तुसा री संगत रा आनंद लैणे का बाद, मैं चाह्‍ंदा तुसा मेरे जो अग्गे रे सफर तांइ मेरी थोड़ी मदद करी देयो।

2 कुरुन्थियों 1:16

अते मैं ए सोच्चेया कि मकिदुनिया प्रदेश जो जांदे बेल्ले तुसा कने मिली करी जां, अते फिरी मकिदुनिया प्रदेश का हटदे बेल्ले तुसा का दुबारा आ, अते तुसा मेरे जो यहूदियां प्रदेश बिच पुजणे तिकर मेरी किच्‍छ मदद करो।

फिलिप्पियों 4:14

तां भी तुसा मेरी मुसीबत बिच मेरे जो दान देई करी मेरी मदद कित्ती, तुसा ने खरा कित्तेया।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

1 थिस्सलुनीकियों 2:12

कि तुसा इदेइ जिन्दगी जियो जे परमेश्वर जो आदर दिंदी हो, जे तुसा जो अपणे राज ते महिमा बिच हिस्सेदार बणने तांइ सददे।

तीतुस 3:13

जां जेनास नां रे शास्त्रियां ते दुआ मणू अप्पुल्लोस ने अपणे सफर पर निकलणा तां तुसा जे किच्‍छ भी तिन्हेरी मदद तांइ करी सकदे से करेयो। ते इस गल्ल रा ध्यान रख्खेयो कि तिन्हा का से सब किच्‍छ हो जिसेरी तिन्हा जो सफर बिच जरुरत पेई सकदी।

1 पतरस 2:20

पर जे अगर तुसा जो अपणी कुसकी गलती री वजह का कुट्ट पैंदी तां तिस गल्ल तांइ सजा सैह्ण करणे बिच तुसा री तारिफ करणे री जोग्गी कोई गल्ल नी है। पर जे अगर तुसा कुसकी भलाई रे कम्म तांइ दुख सहन करदे ते तिस बिच सबर भी रखदे, तां परमेश्वर खुस हुंदे।

3 यूहन्ना 1:12

कलीसिया बिच सारे मणू बोलदे कि दिमेत्रियुस खरा मणू है किजोकी से परमेश्वर रे सच्चे बसेख रे हिसाब कने चलदा। ते असी भी बोलदे कि से खरा मणू है ते तू ए जाणदा कि असा री गवाई सच्ची है।