3 यूहन्ना 1:3 - चम्बयाली नौआ नियम

³ किजोकी मैं बड़ा खुस होया जां किच्‍छ संगी विश्वासियां ने तेरे बारे बिच दस्सेया कि तू किन्नी ईमानदारी कने परमेश्वर री गल्लां जो मन्नी करी जिन्दगी जिंदा।

3 यूहन्ना 1:3 ပူးပေါင်းရင်းမြစ်များ

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

1 कुरुन्थियों 13:6

जां मणू गलत कम्म करदे तां से बड़े दुखी हुंदे, पर से मणू तां बड़े खुस हुंदे जां मणू ठीक कम्म करदे।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

2 यूहन्ना 1:2

असी तुसा जो प्यार करदे किजोकी असी सच्ची शिक्षा बिच विश्वास करदे ते असा ने हमेसा तिकर तिस शिक्षा बिच बणी रैह्णा।

2 यूहन्ना 1:4

मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।

3 यूहन्ना 1:2

ओ मेरे प्यारे दोस्त, मेरी प्रार्थना है कि जिय्यां तू मसीह यीशु बिच विश्वास करणे बिच मजबूत बणेया करदा है, तिय्यां ही तू सरीर बिच भी मजबूत बणी रे ते तेरे कने ठीक चीजां हुंदी रे।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।

3 यूहन्ना 1:5

ओ मेरे प्यारे भाई, तैं संगी विश्वासियां री मदद तांइ बड़ा किच्‍छ कित्ते रा है, ते तैं तिन्हा लोक्कां री भी मदद कित्ती जिन्हा जो तू जाणदा नी।