3 यूहन्ना 1:2 - चम्बयाली नौआ नियम

² ओ मेरे प्यारे दोस्त, मेरी प्रार्थना है कि जिय्यां तू मसीह यीशु बिच विश्वास करणे बिच मजबूत बणेया करदा है, तिय्यां ही तू सरीर बिच भी मजबूत बणी रे ते तेरे कने ठीक चीजां हुंदी रे।

3 यूहन्ना 1:2 ပူးပေါင်းရင်းမြစ်များ

मत्ती 9:12

ए सुणी करी यीशु ने तिन्हा जो बोल्लेया, “वैद्द री जरुरत भले-चंगेयाँ जो नी पर मरीजाँ जो हुंदी।”

फिलिप्पियों 2:27

पक्का से मरणे वाला थिया पर परमेश्वर ने तिस पर दया करी के तिसजो तिस बीमारी का खरा कित्तेया; ते सिर्फ तिस पर ही दया नी कित्ती पर मेरे पर दया कित्ती ताकि मेरे जो इक्क का बाद इक्क, घड़ी-घड़ी दुख ना झेलणा पेयो।

फिलिप्पियों 2:4

हर मणू जो अपणे ही फायदे तांइ नी पर दूज्जेयां रे फायदे तांइ भी सोचणा चाएदा।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

2 थिस्सलुनीकियों 2:13

ओ संगी विश्वासियों ते प्रभु रे प्यारे लोक्कों, ए ठीक गल्ल है कि असी हमेसा तुसा तांइ परमेश्वर रा शुक्रिया करदे रैह्ण किजोकी परमेश्वर ने तुसा जो बचाणे तांइ तुसा जो दुनिया बणाणे का पैल्ले ही चुणी लित्तेया थिया। से तुसा जो पवित्रात्मा रे तिन्हा कम्मां रे जरिये बचांदे जे तुसा जो पवित्र ठैहरांदे ते तुसा रे मसीह बिच विश्वास करणे री वजह कने भी तुसा दैणे तांइ सद्देया ताकि तुसा तिस महिमा बिच हिस्सेदार बणो जे परमेश्वर ने मसीह यीशु जो दित्ते री है।

याकूब 5:12

पर ओ मेरे संगी विश्वासियों, सबका खरी गल्ल ए है कि कदी कसम मत खांदे, न स्वर्ग री, ना धरती री, ते ना ही कुसकी होर चीज दी पर तुसा री गल्ल हाँ री हाँ ते ना री ना हो, ताकि परमेश्वर तुसा पर इल्जाम लाई करी तुसा जो सजा दे।

1 पतरस 4:8

अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

3 यूहन्ना 1:1

मैं यूहन्ना, जे कलीसिया रा बुजुर्ग है, अपणे प्यारे दोस्त गयुस जो ए चीठ्ठी लिख्खेया करदा है, जिस कने मैं सच्चा प्यार करदा।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।