2 तीमुथियुस 4:2 - चम्बयाली नौआ नियम

² कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।

2 तीमुथियुस 4:2 ပူးပေါင်းရင်းမြစ်များ

लूका 7:23

धन्न हिन से जे मेरे बारे बिच धोखा ना खाए

लूका 7:4

तां से यीशु का जाई करी तिन्हेरे छंदे करी के बोलणा लग्गे, कि तुसा असा रे कन्ने हाकिम रे नौक्कर जो ठीक करणा चलो

लूका 9:60

यीशु ने तिसजो बोल्लेया, मरणे वालेयां जो अपणे मुर्दे दबणा दे, किजोकी परमेश्वर रा वचन सब मणूआं तांइ है, इधेरे तांइ तेरा फर्ज ए है कि तू मणूआं जो परमेश्वर रे राज करणे रे बारे अन्दर दस्स

प्रेरितां रे कम्म 13:5

ते सलमीस बिच पूज्जी करी, परमेश्वर रे वचन जो यहूदियां रे सभास्थल बिच सुणाया, ते यूहन्ना मरकुस नां रा इक्क मणू तिन्हेरा सेवक थिया।

प्रेरितां रे कम्म 16:13

फिरी विश्राम दिन पर ए सोच्ची करी कि प्रार्थना करणे तांइ तित्ते कोई सभास्थल नी होणा ते असा सहर रे फाटक रे बाहर दरया जो गे, असी तित्ते बेई गे ते इकठ्ठी होये री जनानियां कने गल्ल-बात करणा लग्गे।

प्रेरितां रे कम्म 20:7

हफ्ते रे पैल्ले रोज्जे, जां असी प्रभु भोज मनाणे तांइ कठिये, तां पौलुस ने, जे दूए रोज्जे जाणे वाला थिया, तिन्हा कने गल्लां कित्तियां अते अद्दी रात्ती तांइ गल्लां करदा रेया

प्रेरितां रे कम्म 28:16

जिस बेल्ले असी रोम सहर पूज्जे, तां पौलुस जो इक्क सैनिक रे कन्ने जे तिसेरी दिख-रिख्ख करदा थिया, किल्ले रैह्णे रा हुकम मिली गेया।

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

गलातियों 6:6

जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।

कुलुस्सियों 1:25

इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

कुलुस्सियों 4:3

ते कने-कने असा तांइ भी प्रार्थना करदे रेया करो ताकि परमेश्वर असा जो मसीह रे बसेख रा प्रचार करणे रा इक्क इदेया मौक्का दैण कि असी मसीह रे तिस राज़ रा वर्णन भी करी सकण। मैं अब्बे कैद बिच है किजोकी मैं इस बसेख रा प्रचार कित्ता।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

1 थिस्सलुनीकियों 5:20

जे भविष्यवाणियां परमेश्वर ने लोक्कां पर ज़ाहिर कित्ते री हिन तिन्हा जो नक्कारो मत।

1 तीमुथियुस 4:13

जां तांइ मैं तित्ते ना पुज्जां तां तांइ कलीसिया बिच विश्वासियां रे सामणे पवित्रशास्त्र पढ़ने, तिन्हा जो प्रोत्साहित करणे ते सिखाणे बिच वक्त गुजारो।

1 तीमुथियुस 5:20

जे मणू पाप करदे तिन्हा जो पूरी कलीसिया रे लोक्कां सामणे बको ताकि कलीसिया रे बाकि लोक्कां पर डर बणेया रे।

2 तीमुथियुस 2:21

तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।

तीतुस 1:13

क्रेते टापू पर रैह्णे वाले लोक्कां रे बारे बिच ए गल्लां सच हिन, इधेरे तांइ तिन्हा जो ठीक तरिक्के कने चितौणी देई करी समझा ताकि से मणू मसीह रे बारे बिच सच्ची शिक्षा पर विश्वास करण।

तीतुस 2:15

तेरे जो विश्वासी लोक्कां जो गल्लां सिखाणी चाएदी ते तिन्हा जो ए मनणे तांइ प्रोत्साहित करणा चाएदा। जरुरत पैणे पर तेरे का तिन्हा जो सुधारणे रा भी हक है। कुसकी जो भी तेरी सिखाए री गल्लां जो बेकार ना समजे।

इब्रानियों 13:22

मेरे संगी विश्वासियों, मैं तुसा का बिनती करदा कि तुसा सबर कने इस बसेख जो सुणो, जे मैं तुसा जो प्रोत्साहित करणे तांइ लिख्खे रा है। किजोकी मैं तुसा जो बड़ी घट शब्दां बिच लिख्खे रा है।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।