2 तीमुथियुस 4:17 - चम्बयाली नौआ नियम

¹⁷ पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

2 तीमुथियुस 4:17 ပူးပေါင်းရင်းမြစ်များ

मत्ती 10:19

जां से तुसा जो पकड़न तां फिकर मत करदे, कि तुसा जो कै बोलणा ए अते किय्यां बोलणा ए किजोकी उस बेल्ले तुसा जो दस्सी दित्तेया जाणा कि तुसा जो कै बोलणा है।

लूका 1:1

आदरणीय थियुफिलुस, ए सारी गल्लां जे असा रे बिच मझाटे बीत्ती, तिन्हा जो लिखणे बिच मते लोक्कां ने कोसीस कित्ते री है।

लूका 21:15

किजोकी मैं तुसा जो इदेइ जुबान ते समझ दैणी कि तुसा रे दुश्मण तुसा री गल्ल नी कटी सकगे ते ना तुसा रा सामणा करी सकगे।

प्रेरितां रे कम्म 23:11

तिस्सी रात्ती प्रभु यीशु ने तिसेरे नेड़े खड़े होई करी बोल्लेया, ओ पौलुस, हिम्मत कर किजोकी जिय्यां तैं यरुशलेम अन्दर मेरी गवाई दित्ती, तिय्यां गवाई तिज्जो रोम अन्दर भी दैणा पैणी।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

रोमियों 15:31

ताकि परमेश्वर मेरे जो यहूदिया प्रदेश रे अविश्वासी लोक्कां का बचाई रख्खे, ते यरुशलेम सहर बिच रैह्णे वाले पवित्र मणू, तिस आर्थिक मदद जो पाणे का बाद खुस होई जाण, जे मैं तिन्हा का लेई जाया करदा है।

2 कुरुन्थियों 12:9

पर तिन्हा ने मेरे जो बोल्लेया, मेरा अनुग्रह तेरे तांइ मता है। इधेरे तांइ अवे मैं कमजोरियां पर गर्व करणे तांइ खुस है ताकि मसीह यीशु मेरे जो अपणी ताकत दिंदे रे।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

1 तीमुथियुस 1:12

मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।

2 तीमुथियुस 3:11

तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।

2 तीमुथियुस 4:5

पर तू हर गल्ल बिच अप्पु पर काबू रख्खे, बड़े सबर कने सारी मुसीबतां जो सहन करी लेय। सुब बसेख रा प्रचार करणे तांइ तू कड़ी मैहनत करे, ते परमेश्वर रा सेवादार होणे रे नात्ते तू से सारे कम्म करे जिन्हा तांइ परमेश्वर ने तेरे जो चुणे रा है।

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

इब्रानियों 11:33

तिन्हा ने भरोसे रे ही जरिए राज जित्ते धर्म रे कम्म कित्ते वादे कित्ते रे चीजां कित्ती परमेश्वर ने शेरां जो तिन्हा लोक्कां खाणे री अनुमती नी दित्ती।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।