2 तीमुथियुस 4:16 - चम्बयाली नौआ नियम

¹⁶ पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।

2 तीमुथियुस 4:16 ပူးပေါင်းရင်းမြစ်များ

मरकुस 14:50

तां ए सब किच्‍छ दिख्खी करी से सारे चेल्‍ले यीशु जो छड्डी करी नह्सी गे।

लूका 12:11

जां से तुसा जो सभास्थल, राज्जेयां अते बड्डे प्रधाना रे मुहाग्गर लेई जाह्न्गे तां फिकर मत करदे कि तुसा अप्पु जो किय्यां बचांगे या असा जो कै बोलणा चाईन्दा

यूहन्ना 16:32

दिख्खो, से बेल्ला आया करदा ए, बल्कि आई गेया कि तुसा तित्तर-बित्तर होई करी अपणे-अपणे रस्ते चली जाणा अते मेरे जो किल्ला छड्डी दैणा, फिरी भी मैं किल्ला नी ए, किजोकी पिता मेरे कने हिन।

प्रेरितां रे कम्म 22:1

ओ संगी विश्वासियों, मेरा जवाब सुणो, जे मैं तुसा रे सामणे बोलणा लग्गेया

प्रेरितां रे कम्म 25:16

पर मैं तिन्हा जो जवाब दित्तेया कि रोमी मणूआं री ए रीत नी है कि कुसकी मणू जो सजा तांइ सौंपी दैण से तां तांइ इय्यां नी करदे जां तांइ कि आरोपी जो अपणे मुद्देइयाँ रे सामणे खड़े होई करी इल्जामां रा जवाब दैणे रा मौका नी मिल्लो

प्रेरितां रे कम्म 7:60

फिरी गोड्डे भारे बेई करी बड़ी अवाज कने बोल्लेया, ओ प्रभु, ए पाप इन्हा पर मत ला ते ए बोल्ली करी से मरी गेया शाऊल तिसेरे मारे जाणे बिच सहमत थिया।

1 कुरुन्थियों 13:5

प्यार करणे वाले मणू दुज्जेया री बेज़ती नी करदे, से मणू मतलबी नी हुंदे, से सिर्फ अपणी खुसी नी तोपदे, से बड़े तौले गुस्सा नी करदे, ते से अपणे कने होए री बुरी गल्लां जो हमेसा चेत्ता नी रखदे।

1 कुरुन्थियों 9:3

जे मणू प्रेरित होणे रे हक पर सवाल चुक्कणे वाले लोक्कां तांइ मेरा ए ही मेरा जवाब है।

2 कुरुन्थियों 7:11

ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्‍त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।

फिलिप्पियों 1:17

पर जे मणू जलन रखदे, से अपणे फायदे तांइ मसीह रा बसेख सुणांदे, ताकि मेरे जो मेरी कैद बिच होर जादा तकलीफ देई सकण।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

2 तीमुथियुस 1:15

तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

2 तीमुथियुस 4:15

तू भी तिसका सावधान रे, किजोकी तिसने मसीह रे बारे बिच असा री शिक्षां रा बड़ा विरोध कित्ते रा है।

1 पतरस 3:15

पर मसीह तांइ अपणे मन बिच आदरमान रख्खो, ते प्रभु रे तौर पर तिन्हेरी इज्जत करो। जे अगर कोई मणू तुसा का तिस आस रे बारे बिच किच्‍छ पुच्छे जे असा सारे जणेया बिच है, तां तिसजो नरमी ते इज्जत कने जवाब दैणे तांइ हमेसा तैयार रेयो।