2 तीमुथियुस 4:11 - चम्बयाली नौआ नियम

¹¹ इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।

2 तीमुथियुस 4:11 ပူးပေါင်းရင်းမြစ်များ

मत्ती 19:30

पर मते जणे जे अब्बे पैल्ले हिन, आखरी होई जाणे अते जे आखरी हिन, से पैल्ले होई जाणे।

मत्ती 20:16

इसी तरिके कने जे पिछले हिन, पैल्ले कित्ते जाणे ते जे पैल्ले हिन, से पिछले होणे।” इसी तरिक्के कने परमेश्वर ने भी तिन्हा लोक्कां जो हिसाब-किताब रे दिन पर ईनाम दैणा जे अब्बे घट समजे जांदे।

लूका 13:30

ते अज्ज जिन्हा मणूआं री बेजती करदे, तिस बेल्ले तित्ते तिन्हेरा आदर कित्तेया जाणा, ते जिन्हा जो मणूआं का अज्ज बड़ा आदर मिलेया करदा है, तिन्हा जो तिस बेल्ले बेजती कित्तेया जाणा, किजोकी जे नीच्चे हिन से उँचे कित्ते जाणे ते जे अवे उँचे हिन से निचे कित्ते जाणे।

प्रेरितां रे कम्म 12:12

ते ए सोची करी कि परमेश्वर ने तिसजो हेरोदेस रे हत्थां का बचाए रा है, से तिस यूहन्ना जिस जो मरकुस भी बोलदे, तिसेरी मां मरियम रे घरे गेया। तित्ते बड़े विश्वासी मणू इकट्ठा होई करी प्रार्थना करेया करदे थिये।

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 15:37

ते बरनबास ने यूहन्ना जो जिस जो कि मरकुस भी बोल्दे, कन्ने लैणे रे बारे अन्दर सोच्चेया।

प्रेरितां रे कम्म 15:39

तां पौलुस ते बरनबास इक्क दूज्जे रे खिलाफ होई गे, ते इक्क दूज्जे का बखरे होई गे ते बरनबास, ते मरकुस जो लेई करी जहाज पर साइप्रस टापू जो चली गेया।

प्रेरितां रे कम्म 16:10

इस दर्शन जो दिख्खणे का बाद झट ही से फैसला लिन्दे कि परमेश्वर रे तिन्हा मणूआं बिच सुब बसेख रा प्रचार करणे तांइ असा जो सद्देया, असा ने मकिदुनिया प्रदेश जाणे री ठाणी लेई।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

कुलुस्सियों 4:14

प्यारे वैद्द लूका, अते देमास भी तुसा सारेयां जो प्रणाम करदे।

2 तीमुथियुस 1:15

तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

2 तीमुथियुस 2:21

तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

1 पतरस 5:13

जे विश्वासी मणू बेबिलोन सहर बिच रेया करदे हिन, जिन्हा लोक्कां जो परमेश्वर ने तुसा सांई ही चुणे रा है, तुसा जो मेरा नमस्कार। मरकुस, जे मेरे तांइ मुंडे सांई है, से भी तुसा जो नमस्ते बोलदा।