2 तीमुथियुस 3:17 - चम्बयाली नौआ नियम

¹⁷ ताकि परमेश्वर रा मणू सिद्व बणे ते हर इक्क खरा कम्म करणे तांइ तैयार ते उत्सुक रे।

2 तीमुथियुस 3:17 ပူးပေါင်းရင်းမြစ်များ

प्रेरितां रे कम्म 9:36

याफा कस्बे बिच तबीता नां री यीशु री इक्क चेल्ली रैहन्दी थी, यूनानी भाषा बिच जिस जो दोरकास बोलदे। से बड़े भले रे कम्म रे दान पुन्य करदी रेह्न्दी थी।

2 कुरुन्थियों 9:8

ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

1 तीमुथियुस 6:11

पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।

2 तीमुथियुस 2:21

तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

तीतुस 3:1

विश्वासी लोक्कां जो समझा कि से हाकिमां ते अधिकारियां री इज्जत करण, ते तिन्हेरे हुकमां जो मनण, ते हर इक्क मणू दुज्जेया तांइ ठीक कम्म करणे तांइ हर बेल्ले तैयार रे।

इब्रानियों 10:24

ते असा जो इक्क दूए तांइ फिकरमंद होणा चाएदा, कि असी इक्क-दूए जो प्यार दिखाए ते इक्क-दूए कने भलाई करण।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।