2 तीमुथियुस 3:11 - चम्बयाली नौआ नियम

¹¹ तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।

2 तीमुथियुस 3:11 ပူးပေါင်းရင်းမြစ်များ

प्रेरितां रे कम्म 13:14

ते पिरगा कस्बे का अग्गे जाई करी गलातिया प्रदेश रे पिसिदिया जिले रे अन्ताकिया सहर जो पूज्जे ते विश्राम दिन सभास्थल बिच बेई गे।

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 14:8

लुस्त्रा बिच इक्क मणू थिया, जे पैरां का कमजोर थिया, से जन्म का ही लंगड़ा थिया, ते कदी भी नी चले रा नी थिया

प्रेरितां रे कम्म 20:19

मतलब कि बड़े निम्मते होई करी, ते रोई-रोई करी, ते तिन्हा परिक्षां बिच का जे यहूदियां री चलाकी री वजह कने मेरे पर आई पेई, मैं प्रभु जी री सेवा करदा ही रेया

प्रेरितां रे कम्म 23:10

जां बड़ी बैह्स-बाजी होई, तां पलटन रे सरदार ने इस डर कने कि से पौलुस रे टुकड़े-टुकड़े ना करी रखण, पलटन जो हुकम दित्तेया कि उतरी करी पौलुस जो महासभा बिच का जबरदस्ती कड्डी लैण, ते गढ़ अन्दर लेई जाण।

प्रेरितां रे कम्म 26:17

ते मैं तिज्जो तेरे लोक्कां का ते गैर यहूदी का बचान्दे रैह्णा, जिन्हा का मैं अब्बे तिज्जो भेजणा

प्रेरितां रे कम्म 26:22

पर परमेश्वर री मदद कने मैं अज्ज तांइ बणी रे रा है ते छोटे-बड्डे सबणी सामणे गवाई दिन्दा, ते तिन्हा गल्लां जो छड्डी करी होर किच्‍छ नी बोलदा जे भविष्यद्वक्ता ने अते मूसा ने भी बोल्लेया कि से होणे वालियां हिन,

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

रोमियों 15:31

ताकि परमेश्वर मेरे जो यहूदिया प्रदेश रे अविश्वासी लोक्कां का बचाई रख्खे, ते यरुशलेम सहर बिच रैह्णे वाले पवित्र मणू, तिस आर्थिक मदद जो पाणे का बाद खुस होई जाण, जे मैं तिन्हा का लेई जाया करदा है।

2 कुरुन्थियों 1:5

किजोकी असी जिन्ना जादा मसीह यीशु तांइ जुल्म सैह्‍ंदे, परमेश्वर तिन्ना ही जादा मसीह यीशु रे जरिये असा जो तसल्ली दिंदे।

2 कुरुन्थियों 1:7

तुसा तांइ असा जो पूरी उम्मीद है, किजोकी असी जाणदे कि जिय्यां तुसा असा रे जुल्म बिच साझी हुन्दे, तिय्यां ही असा री तिस आस बिच भी तुसा साझी होणा जे परमेश्वर ने असा जो दैणी।

2 कुरुन्थियों 12:10

इधेरे तांइ मैं मसीह यीशु जी तांइ कमजोरियां अन्दर, ते निन्दा होणे अन्दर, ते दरिद्रता अन्दर, ते जुल्मां अन्दर अते बुरे समय अंदर भी खुस है, किजोकी जां मैं कमजोर हुन्दा, तां मसीह मेरे जो ताकत दिंदे।

2 तीमुथियुस 4:7

इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।