2 तीमुथियुस 2:26 - चम्बयाली नौआ नियम

²⁶ ताकि से मणू भी चुकन्ने होई जाण ते शैतान रे चंगुल का छुड़की जाण, जिस ने तिन्हा जो अपणी मर्जी पूरी करवाणे तांइ धोख्खे बिच पाई रख्खे रा है।

2 तीमुथियुस 2:26 ပူးပေါင်းရင်းမြစ်များ

लूका 11:21

जां कोई ताकतवर मणू पूरी तयारी कने अपणे घर री पैहरेदारी करदा तां तिसेरा घर-बार बची रैहन्दा।

लूका 15:17

फिरी तिसजो अपणी गलती रा एहसास होया ते सोच्णा लगेया, कि मेरे प्यो का कम्म करणे वाले किन्ने ही मजदूर रज्जी करी रोट्टी खान्दे थिये, अते खाणे रे बाद रोट्टी बची भी जान्दी थी, ते मैं इत्ते भूखा मरेया करदा है।

लूका 5:10

अते इय्यां ही जब्दी रे दोह्ई पुत्तर, याकूब ते यूहन्ना, भी हैरान होई गे। फिरी यीशु ने शमौन जो बोल्लेया, शमौन डरां मत, किजोकी जिय्यां तू मच्छी पकड़दा, तियां ही तैं अज्ज का बाद मणूआं जो परमेश्वर रे चेल्‍ले बणाया करणा।

यूहन्ना 13:2

जां शैतान शमौन इस्करियोती रे निक्के यहूदा रे मन बिच ए गल्ल पाई बैठ्ठे रा थिया, कि से तिन्हा जो पकड़वाए, तां फसह री रोट्टी खाणे रे बेल्ले

यूहन्ना 13:27

टुकड़ा लिंदे ही शैतान तिस बिच समाई गेया, तां यीशु ने तिसजो बोल्लेया, जे तू करेया करदा, झट कर।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

प्रेरितां रे कम्म 5:3

पतरस ने बोल्लेया, ओ हनन्याह! शैतान ने ए गल्ल तेरे मन बिच किजो पाई की तू पवित्रात्मा कने झूठ बोल्ले, ते अपणी जायदाद बिच का थोड़ा हिस्सा बेच्चेया थिया, तिसेरे दाम बिच का किच्‍छ रख्खी छड्डे?

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

2 कुरुन्थियों 2:11

ताकि शैतान असा रा कोई फायदा नी उठाई सको किजोकी असी तिसेरी चाल्लां जो जाणदे।

इफिसियों 5:14

इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

1 तीमुथियुस 3:7

से मणू मसीह बिच विश्वास ना करणे वाले लोक्कां बिच भी इज्जतदार होणा चाएदा कुथकी इय्यां ना हो कि से शैतान रे फंदे बिच फसी जाए।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।