2 तीमुथियुस 2:25 - चम्बयाली नौआ नियम

²⁵ ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

2 तीमुथियुस 2:25 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

मत्ती 21:32

किजोकी यूहन्ना बपतिस्मा दैणे वाला धार्मिकता रा रस्ता दसदे होए तुसा का आया, ते तुसा ने तिसेरा विश्वास नी कित्ता पर महसुल लैणे वालेया ने ते वेश्या ने तिसेरा विश्वास करी के अपणे पाप्पां का तौबा कित्ती ते तिसेरे गलाए चलणा लग्गी पये, ते तुसा ए दिख्खी करी बाद बिच भी नी पछताए की तिसेरा विश्वास करी लिदें।

मरकुस 1:15

ते बोल्लेया, “वक्त पूरा होई गेया, ते परमेश्वर रा राज नेड़े आई गे रा है तौबा करो ते सुब बसेख पर विश्वास करो।”

यूहन्ना 5:34

पर मैं अपणे बारे बिच मणू री गवाई नी चाहन्दा तां भी ए गल्लां इस तांइ बोलदा कि तुसा जो छुटकारा मिल्ले।

प्रेरितां रे कम्म 11:18

ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 5:21

जिय्यां तिन्हा जो बोल्लेया गेया थिया, तिस हिसाब कने से भ्यागा उठी करी मन्दिर बिच जाई करी ए उपदेस दैणा लगे, तां प्रधान पुरोत्त ते तिसेरे साथिया ने आई करी महासभा जो ते इस्राएली लोक्कां रे सारे बुजुर्ग मणू जो कठेरेया ते जेलखानेयां बिच ए बोल्ली भेज्जेया कि तिन्हेरे जो लेई आए,

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

प्रेरितां रे कम्म 8:22

इधेरे तांइ अपणे मन री इन्हा बुरी गल्लां का तौबा कर ते प्रभु का प्रार्थना कर, मुमकिन है कि तेरे मन री बुरी गल्लां जो माफ करी दित्ती जाए।

गलातियों 6:1

ओ संगी विश्वासियों, जे अगर कोई मणू कुसकी गलत कम्म करदा पकड़ेया भी जाओ, तां तुसा मणू जे पवित्रात्मा रे कहे मुताबिक चलदे, निम्तेपन कने इदेय मणू जो सही रस्ते पर वापिस लेयो, ते अपणे तांइ भी चुकन्ने रेयो ताकि तुसा पाप करणे री परिक्षा बिच ना पेई जाओ।

1 तीमुथियुस 2:4

परमेश्वर चाह्‍ंदे कि सारे मणू छुटकारा पाए ते सच्चाई जो जाणे।

1 तीमुथियुस 6:11

पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।

2 तीमुथियुस 3:7

से हमेसा बखरी चीजां सिखदी रेह्न्दी पर तिन्हा ने कदी भी मसीह रे सच्ची शिक्षां जो नी समजी सकणा।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

तीतुस 3:2

कुसकी जो बदनाम ना करण, लड़ाके ना बनण पर दूज्जेयां तांइ बड़े दयालू होण ते तिन्हा कने बड़ी नरमी कने रैह्ण।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

1 पतरस 3:15

पर मसीह तांइ अपणे मन बिच आदरमान रख्खो, ते प्रभु रे तौर पर तिन्हेरी इज्जत करो। जे अगर कोई मणू तुसा का तिस आस रे बारे बिच किच्‍छ पुच्छे जे असा सारे जणेया बिच है, तां तिसजो नरमी ते इज्जत कने जवाब दैणे तांइ हमेसा तैयार रेयो।

1 यूहन्ना 5:16

जे अगर तुसा संगी विश्वासी इदेय तरिक्के कने पाप करदे दिख्खो कि जिसेरा नतीज्जा हमेसा री मृत्यु ना हो तां तिन्हेरे तांइ प्रार्थना करो कि परमेश्वर तिन्हा जो हमेसा री जिन्दगी दे। इदेय पाप भी हिन जिन्हेरा नतीज्जा हमेसा री मृत्यु है, मैं तुसा जो तिन्हा तांइ प्रार्थना करणे तांइ नी बोलदा।