2 तीमुथियुस 2:18 - चम्बयाली नौआ नियम

¹⁸ तिन्हा ने सच्चाई बिच विश्वास करणा छड्डी दित्ते रा है। से बोलदे कि परमेश्वर ने विश्वासी लोक्कां जो हमेसा री जिन्दगी तांइ मुर्देयां बिच का फिरी जिन्दा करी दित्ते रा है। इसेरे नतीज्जे रे तौर पर से मते विश्वासियां जो ए सिखाया करदे हिन कि से मसीह यीशु री शिक्षां जो मनणा छड्डी दैण।

2 तीमुथियुस 2:18 ပူးပေါင်းရင်းမြစ်များ

मत्ती 15:13

पर यीशु ने जवाब दित्तेया, हर इक्क पौधा जे मेरे स्वर्गीय पिता ने नी लाए रा है, से पुट्टी दित्ता जाणा।

मत्ती 22:29

यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो।

लूका 8:13

जे बीह् पथरिली मिट्टी पर पे थिये, से तिन्हा मणूआं सांई हुन्दे जे वचनां जो बड़े मजे कने सूणदे अते तिन्हा पर चलणा भी लग्गी पैंदे, पर वचन तिन्हेरे मना बिच पकड़ नी बणाई पांदा ते किच्‍छ बेल्ले तांइ से वचना पर विश्वास तां करदे पर, जां परखिणे रा बेल्ला आन्दा तां से बहकी जादें।

प्रेरितां रे कम्म 5:39

पर जे परमेश्वर रे पास्से का है तां तुसा तिन्हेरे कदी मिटाई नी सकगे कुते इदेया ना हो कि उसी परमेश्वर कने भी लड़ने वाले बणी जाओ

1 कुरुन्थियों 11:19

हालांकि फूट री वजह कने तुसा बखरे होई गेरे हिन इधेरे तांइ जे मणू सच्चाई कने हिन से असानी कने पहचाणे जाणे।

1 कुरुन्थियों 15:12

इधेरे तांइ अवे मैं तुसा का पूच्छदा कि जां असा सारेयां ने तुसा बिच ए ही प्रचार कित्ते रा है कि मसीह यीशु मरे रे लोक्कां बिच का फिरी जिन्दे होई गे, तां तुसा बिच का किन्ने कियां बोलदे कि मुर्दे लोक्कां रा जिन्दा होणा है ही नी?

कुलुस्सियों 3:1

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

1 तीमुथियुस 6:10

किजोकी पैसे रा लालच हर तरिक्के री बुराई री जड़ है, किच्‍छ लोक्कां बिच पैसे री चाह्‍त इन्नी जादा है कि तिन्हा ने मसीह यीशु री शिक्षा जो मनणा ही छड्डी दित्तेया, ते से मणू इन्ना जादा तड़पेया करदे हिन जिय्यां कि कुसकी मणू ने अप्पु जो कुसकी हथियार कने छलनी करी दित्तेया हो।

1 तीमुथियुस 6:21

किच्‍छ लोक्कां ने इन्हा झूठ्ठी शिक्षां जो मन्नी लित्ते रा है ते इय्यां करणे री वजह कने अवे से अग्गे जो मसीह यीशु बिच विश्वास नी रखदे। मैं प्रार्थना करदा कि परमेश्वर री अनुग्रह तुसा सारे लोक्कां पर हुंदी रेय।

2 तीमुथियुस 2:14

विश्वासियां जो लगातार इन्हा गल्लां री शिक्षा दे, ते प्रभु जो गवाह मन्नी करी तिन्हा लोक्कां जो चिताइ दे कि से शब्दां रे मतलबां पर बैह्सबाजी ना करेया करण जिस कने कोई फायदा नी हुंदा, बल्कि तिन्हा जो सुनणे के विश्वासियां रे विश्वास कमजोर होई जांदा।

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

इब्रानियों 3:10

इस वजह कने मैं तिस जमाने रे मणूआं कने नराज थिया, किजोकी ए कदी मेरे हुकमां जो नी मनदे, ते से गल्लां मनणे का मना करी दित्ता जे करणे रा मैं इन्हा जो हुकम दित्तेया थिया।

याकूब 5:19

ओ मेरे संगी विश्वासियों, जे तुसा बिच का कोई सच्चाई रे रस्ते का भटकी जाए ते कोई तिसजो फिरी परमेश्वर का हटणे बिच मदद करे,

1 यूहन्ना 2:19

मसीह रा विरोध करणे वाले मणू असा री कलीसिया बिच का निकली करी चली गे, पर से असा रे अपणे नी थिये। किजोकी जे अगर से असा रे अपणे हुंदे तां तिन्हा ने असा कने रैहन्दे, पर से मणू निकली गे जिस कने ए साबित होई गेया कि से सारे कदी असा रे अपणे नी थिये।