2 तीमुथियुस 1:6 - चम्बयाली नौआ नियम

⁶ इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।

2 तीमुथियुस 1:6 ပူးပေါင်းရင်းမြစ်များ

लूका 19:13

जाणे का पैल्ले तिन्ने अपणे नौक्करां जो सद्देया अते बोल्लेया, कि मैं जां तांइ हटी नी आन्दा तां तांइ मैं तुसा जो दस सोन्ने रे सिक्के देई जान्दा, अते तिन्हा कने किच्‍छ कमाई करे,

प्रेरितां रे कम्म 19:6

ते जां पौलुस ने तिन्हा पर हत्थ रख्खे, तां से मणू पवित्रात्मा कने भरी गे, ते से मणू अलग-अलग भाषा बोलणे लग्गे ते भविष्यवाणी करणे लग्गे।

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

1 थिस्सलुनीकियों 5:19

पवित्रात्मा जो लोक्कां री जिन्दगी बिच कम्म करणे का मत रोक्को।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

2 तीमुथियुस 2:14

विश्वासियां जो लगातार इन्हा गल्लां री शिक्षा दे, ते प्रभु जो गवाह मन्नी करी तिन्हा लोक्कां जो चिताइ दे कि से शब्दां रे मतलबां पर बैह्सबाजी ना करेया करण जिस कने कोई फायदा नी हुंदा, बल्कि तिन्हा जो सुनणे के विश्वासियां रे विश्वास कमजोर होई जांदा।

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।

इब्रानियों 6:2

ते असा जो बपतिस्मा, हत्थ रख्खी करी आशीषां दैणा, मुर्देयां रे फिरी जिन्दे होणे रा, ते हमेसा रे इंसाफ री शिक्षा जदेई दुनियावी शिक्षा जो दुबारा सिखणे री जरुरत नी है।

2 पतरस 1:12

हालांकि तुसा इन्हा गल्लां जो पैल्ले का जाणदे, ते तिन्हा शिक्षां जो मन्नेया करदे हिन जे तुसा जो मणूआं ने सिखाई री है, मैं तुसा जो तिन्हेरी याद दुआंदा रैह्‍ंगा।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।

यहूदा 1:5

हालांकि तुसा इन्हा सारी गल्लां जो समजी गेरे हिन, पर फिरी भी मैं तुसा जो ए गल्लां चेत्ता कराणा चाह्‍ंदा कि प्रभु इस्राएल देस रे लोक्कां जो मिस्र देस री गुलाम्मी का छुटकारा देई करी लेई आया पर बाद बिच विश्वास ना करणे वाले जो बियाबान बिच मुकाई दित्तेया थिया।