2 तीमुथियुस 1:2 - चम्बयाली नौआ नियम

² ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 1:2 ပူးပေါင်းရင်းမြစ်များ

प्रेरितां रे कम्म 16:1

फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 12:19

ओ प्यारे लोक्कों, अप्पु कदी बदला मत लिन्दे, पर परमेश्वर जो तुसा तांइ बदला लैणे देयो, किजोकी पवित्रशास्त्र बिच परमेश्वर ने बोल्ले रा है, “बदला लैणा मेरा कम्म है; मैं ही बदला लैणा।”

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

फिलिप्पियों 4:1

इधेरे तांइ मेरे प्यारे संगी विश्वासियों, मैं तुसा कने बड़ा वरी प्यार करदा ते मैं तुसा कने मिलणे रा इंतजार करेया करदा है, जे मेरी खुसी ते मेरा ताज हिन। ते मेरे प्यारेयों, प्रभु बिच विश्वास करणे बिच इसी तरिक्के कने मजबूत हुंदे जाओ।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।