2 तीमुथियुस 1:15 - चम्बयाली नौआ नियम

¹⁵ तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

2 तीमुथियुस 1:15 ပူးပေါင်းရင်းမြစ်များ

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 19:10

दो साल तांइ इय्यां ही हुन्दा रेया, इत्ते तक कि एशिया प्रदेश रे रैह्णे वाले कै यहूदी, कै यूनानी सबने प्रभु रा वचन सूणेया

प्रेरितां रे कम्म 19:27

ते अवे सिर्फ इक्क ही गल्ल रा डर नी कि असा रा कम्म धंदा बदनाम होया करदा है, बल्कि ए भी कि महान देवी अरतिमिस रे मन्दिर जो भी घटिया समजेया जाणा जिस जो की सारा एशिया प्रदेश ते सारी दुनिया भक्ति करदी ते तिसेरा गौरव भी जान्दा रैह्णा

प्रेरितां रे कम्म 19:31

एशिया प्रदेश रे अधिकारियां ने जे तिसेरे मित्र थिये, तिन्हा जो ए बोल्ली भेज्जेया, कि रंगशाला बिच जाई करी कोई अपणी जान जो जोखिम बिच मत पांदा।

प्रेरितां रे कम्म 2:9

असी जे पार्थी प्रदेश, मेदी, एलामी, मेसोपोटामिया, यहूदियां, कप्पदुकिया, पुन्तुस ते एशिया।

प्रेरितां रे कम्म 20:16

किजोकी पौलुस ने इफिसुस सहर रे नेड़े का होई करी जाणे रा मन बणाए रा थिया कि इय्यां ना हो कि तिसजो एशिया प्रदेश बिच देर लगे, किजोकी तिसजो बड़ी तोल लग्गे री थी कि जे होई सको तां से पिन्तेकुस्त रे त्योहर रे रोज्जे यरुशलेम बिच रे।

1 कुरुन्थियों 16:19

एशिया प्रदेश री कलीसिया रे विश्वासियां रे पास्से का तुसा जो नमस्कार। अक्विला ते तिसेरी लाड़ी प्रिस्किल्ला ते तिन्हेरे घरे कठीणे वाली कलीसिया रे विश्वासियां रा नमस्कार।

फिलिप्पियों 2:21

किजोकी सारे अपणे-अपणे मतलब री चीजां रे पीच्छे पे रे हिन। ते तिन्हा गल्लां री फिकर नी करदे जे मसीह यीशु तांइ जरुरी हिन।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।