2 थिस्सलुनीकियों 3:9 - चम्बयाली नौआ नियम

⁹ असी मैहनत करदे थिये तां इधेरे तांइ नी करदे थिये किजोकी असा जो तुसा का आर्थिक मदद लैणे रा कोई हक नी है पर ए असी इधेरे तांइ करदे थिये ताकि तुसा सामणे इक्क उदारण बणी सके ताकि तुसा भी तिय्यां ही करेया करो।

2 थिस्सलुनीकियों 3:9 ပူးပေါင်းရင်းမြစ်များ

मत्ती 10:10

रस्ते तांइ ना झोली रख्खो, ना दो कुरते, ना जूत्ते ना सोठी, किजोकी मजदूर जो तिसेरी रोट्टी मिलणी चाएदी।

यूहन्ना 13:15

किजोकी मैं तुसा जो इक्क नमूना दस्सी दित्तेया कि जिय्यां मैं तुसा कने कित्तेया, तुसा भी तिय्यां ही करेया करो।

1 कुरुन्थियों 4:16

इधेरे तांइ मैं तुसा रे छंदे करदा कि तुसा मेरे सांई जिन्दगी जियो।

गलातियों 6:6

जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।

1 थिस्सलुनीकियों 2:6

असी मणूआं का आदर नी चाह्‍ंदे थिये, ते ना तुसा का, ना होर कुसकी का, हालांकि असी चाह्‍ंदे तां मसीह यीशु रे प्रेरित होणे रे वजह कने तुसा पर बोझ पाई सकदे थिये

2 थिस्सलुनीकियों 3:7

किजोकी तुसा जो अप्पु ठीक तरिक्के कने पता है कि तुसा जो तिस्सी तरिक्के कने जिन्दगी जीणी चाएदी जिय्यां असी जिन्दे किजोकी जां असी तुसा कने रेया करदे थिये तां असी आलस नी कित्ता पर असी मैहनत करदे थिये।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।