2 थिस्सलुनीकियों 3:8 - चम्बयाली नौआ नियम

⁸ ते कुसकी का मुफ्त बिच रोट्टी नी खाई पर मैहनत-मजदूरी करी के रात-दिन कम्म-काज करदे थिये ताकि असी तुसा बिच का कुसकी पर अपणी जरुरतां तांइ निर्भर ना हो।

2 थिस्सलुनीकियों 3:8 ပူးပေါင်းရင်းမြစ်များ

मत्ती 6:11

असा री दिन भर री रोट्टी अज्ज असा जो देयो।

प्रेरितां रे कम्म 18:3

ते पौलुस तिन्हा जो दिखणे तांइ गेया किजोकी से तिन्हेरे सांई तम्बू रे व्यापारी थिये ते से तित्ते रुकी करी तिन्हेरे कने कम्म करदा थिया।

प्रेरितां रे कम्म 20:34

तुसा जो अप्पु ही पता है कि इन्हा ही हत्थां ने मेरी ते मेरे साथियां री जरुरतां पूरी कित्ती

1 कुरुन्थियों 4:12

अपणे हत्थां कने मैहनत-मजदूरी करदे हिन, जां मणू असा जो बुरा-भला बोलदे तां असी तिन्हा जो आशीष दिंदे, से असा जो तंग करदे अते असी तिन्हा जो सहन करदे।

1 कुरुन्थियों 9:4

जित्ते तिकर असा रा सवाल है, असा जो अपणी सेवकाई रे कम्म तांइ तुसा का आर्थिक मदद लैणे रा पूरा हक्क है।

2 कुरुन्थियों 11:27

मैहनत ते दुख अन्दर, घड़ी-घड़ी जागदे रैह्णे बिच ते भूख्ख-प्यास बिच भी रेया ते सर्दी बिच बगैर निग्गे कपड़े रे भी रेया।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

1 थिस्सलुनीकियों 2:9

किजोकी ओ भाईयों, तुसा ने असा री कड़ी मैहनत जो याद रख्खेया ते असा ने इस तांइ रात-दिन कम्म करी के तुसा बिच परमेश्वर रा सुब बसेख प्रचार कित्ता ताकि असी अपणी जरुरतां तांइ तुसा पर बोझ ना बनण।

1 थिस्सलुनीकियों 4:11

ते जिय्यां असी तुसा जो समझाये रा है कि तुसा इक्क सांती कने भरपूर जिन्दगी जियो, दूए लोक्कां रे कम्मां बिच दखल मत देयो ते मैहनत कने अपणा अपणा काम्म-काज करेयो।

2 थिस्सलुनीकियों 3:12

इदेय मणू जो असी मसीह यीशु रे दित्ते रे हक कने हुकम दिंदे ते समझांदे कि से चुप्पचाणे कम्म करे ते अपणी रोजी-रोट्टी कमाए।