2 थिस्सलुनीकियों 3:7 - चम्बयाली नौआ नियम

⁷ किजोकी तुसा जो अप्पु ठीक तरिक्के कने पता है कि तुसा जो तिस्सी तरिक्के कने जिन्दगी जीणी चाएदी जिय्यां असी जिन्दे किजोकी जां असी तुसा कने रेया करदे थिये तां असी आलस नी कित्ता पर असी मैहनत करदे थिये।

2 थिस्सलुनीकियों 3:7 ပူးပေါင်းရင်းမြစ်များ

1 कुरुन्थियों 11:1

जिय्यां मैं मसीह सांई जिन्दगी जिया करदा है, तिय्यां ही तुसा भी मेरे सांई जिन्दगी जियो।

1 कुरुन्थियों 4:16

इधेरे तांइ मैं तुसा रे छंदे करदा कि तुसा मेरे सांई जिन्दगी जियो।

फिलिप्पियों 3:17

ओ मेरे संगी विश्वासियों, तुसा सारे मेरे सांई जिन्दगी जियो ते मसीह री सेवा करणे वाले असा रे साथियां का सिख्खो जे असा सांई जिन्दगी जिया करदे हिन।

फिलिप्पियों 4:9

जे गल्लां तुसा मेरे का सिख्खे री हिन, ते अपणाई ते सूणी, ते मेरे बिच दिख्खी, तिन्हेरे जो ही मन्नेयां करों, तां सांती रे परमेश्वर ने तुसा कने रैह्णा।

1 थिस्सलुनीकियों 2:10

तुसा अप्पु ही गवाह हिन, ते परमेश्वर भी गवाह है की तुसा संगी विश्वासियों रे मझाटे असा रा बर्ताव कदेया पवित्र, धार्मिक ते बेकसूर रे रा है।

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।

2 थिस्सलुनीकियों 3:9

असी मैहनत करदे थिये तां इधेरे तांइ नी करदे थिये किजोकी असा जो तुसा का आर्थिक मदद लैणे रा कोई हक नी है पर ए असी इधेरे तांइ करदे थिये ताकि तुसा सामणे इक्क उदारण बणी सके ताकि तुसा भी तिय्यां ही करेया करो।

1 तीमुथियुस 4:12

किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।

तीतुस 2:7

तुसा अप्पु हर गल्ल बिच दूज्जेयां तांइ ठीक बर्ताव रा इक्क उदारण बणो कि से भी तिय्यां ही करण।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।