2 थिस्सलुनीकियों 3:4 - चम्बयाली नौआ नियम

⁴ असा जो प्रभु बिच ए भरोस्सा है कि तुसा असा रे दित्ते रे सारे हुकमां जो मनदे ते तुसा अग्गे भी मनदे रैह्णा।

2 थिस्सलुनीकियों 3:4 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

रोमियों 15:14

ओ मेरे संगी विश्वासियों, मैं अप्पु ही तुसा रे बारे बिच पक्के तरिक्के कने जाणदा, कि तुसा अप्पु भी भलाई कने भरपूर हिन, ते जे गल्लां परमेश्वर जे तुसा का चाह्‍ंदे, तिन्हा जो जाणदे, ताकि इक्क दूए जो सिखाई सको।

रोमियों 15:18

किजोकी जे कम्म मसीह यीशु ने मेरे जरिये कित्ते रे हिन, तिन्हा री वजह कने मैं हिम्मत कने बोल्ली सकदा, कि मैं गैर यहूदी लोक्कां जो प्रभु री हुकम मनणे तांइ प्रभावित करी सकदा। तिन्हा ने मेरा बसेख सुणी करी, ते मेरे कम्मां जो दिख्खी करी मसीह यीशु बिच विश्वास कित्ता।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 14:37

जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।

1 कुरुन्थियों 7:19

कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

2 कुरुन्थियों 2:3

अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 8:22

असा ने तिन्हा कने अपणे तिस विश्वासी भ्याल जो भी भेज्जेया करदे हिन, जिस जो असा ने घड़ी-घड़ी परखी करी बड़ी गल्लां बिच हिम्मत वाला पाया, पर अवे तुसा पर तिसजो बड़ा विश्वास है, इस वजह कने से अवे होर भी जादा हिम्मत वाला है।

गलातियों 5:10

पर मैं परमेश्वर पर विश्वास करदा कि मेरे अलावा तुसा कुसकी होर जणे री गल्लां पर भरोस्सा नी करणा। पर जे अगर कोई तुसा जो परमेश्वर रे सच्चाई रे बसेख का भटकाणे री कोसीस करेया करदा है, परमेश्वर ने तिन्हा जो सजा जरुर दैणी चाए से कोई भी किजो ना हो।

फिलिप्पियों 1:6

मेरे जो इस गल्ल रा भरोस्सा है कि जिस परमेश्वर ने तुसा अन्दर भला कम्म सुरु कित्ते रा है ते तिस्सी परमेश्वर ने ही तिस कम्म जो मसीह यीशु रे हटणे रे समय तिकर पूरा करणा।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

1 थिस्सलुनीकियों 4:10

ओ संगी विश्वासियों, तुसा पैल्ले ही मकिदुनिया प्रदेश बिच रैह्णे वाले सारे संगी विश्वासियां पर अपणा प्यार ज़ाहिर कित्ते रा है, ते असी तुसा जो इक्क-दूए कने प्यार करणे बिच बधणे तांइ उत्साहित करदे।

2 थिस्सलुनीकियों 3:12

इदेय मणू जो असी मसीह यीशु रे दित्ते रे हक कने हुकम दिंदे ते समझांदे कि से चुप्पचाणे कम्म करे ते अपणी रोजी-रोट्टी कमाए।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।

फिलेमोन 1:21

हालांकि मैं तेरे जो ए सारी गल्लां लिख्खी करी भेज्जेया करदा है पर फिरी भी मैं जाणदा कि तू ए गल्लां करदा ते तैं इसका बधी करी ही करणा।