2 थिस्सलुनीकियों 3:16 - चम्बयाली नौआ नियम

¹⁶ प्रभु जे सांती दैणे वाला है, मैं तिन्हा का प्रार्थना करदा कि से तुसा जो हमेसा ते हर तरिक्के री सांती दिंदे रैह्ण, ते प्रभु तुसा सारे जणेया कने रैह्ण।

2 थिस्सलुनीकियों 3:16 ပူးပေါင်းရင်းမြစ်များ

मत्ती 1:23

“दिख्खो, इक्क कुंवारी ने दुपराणी होणा ते तिसने इक्क निक्के जो जमणा, ते तिसेरा नां इम्मानुएल रख्खेया जाणा, जिसेरा मतलब हुन्दा, ‘परमेश्वर असा रे कन्ने हिन।’”

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

यूहन्ना 14:27

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 15:33

सांती रा परमेश्वर, तुसा सबणी कन्ने रैह्ण। आमीन!

रोमियों 16:20

सांती रा परमेश्वर ने बड़े तौले ही शैतान री ताकत जो मुकाई दैणा ते तिसजो तुसा रे पैरा हेठ करी दैणा, असा रे प्रभु यीशु मसीह री अनुग्रह तुसा पर हुंदी रैह्णी।

1 कुरुन्थियों 14:33

किजोकी परमेश्वर गड़बड़ी रा नी पर एकता ते सांती रा परमेश्वर है। ते ए तरिक्का परमेश्वर रे लोक्कां री सारी कलीसिया बिच मन्नेया जांदा,

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

इफिसियों 6:23

मैं परमेश्वर पिता ते प्रभु मसीह यीशु का ए प्रार्थना करदा कि से तुसा जो सांती दे। ते इस कने तुसा बिच प्यार बधे ते तुसा मसीह यीशु बिच विश्वास करणे बिच बणी रेयो।

1 थिस्सलुनीकियों 3:11

असा रे पिता परमेश्वर अते असा रे प्रभु यीशु तुसा का आणे तांइ असा री मदद करण।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

2 थिस्सलुनीकियों 3:18

असा रे प्रभु यीशु मसीह रा अनुग्रह तुसा सारे जणेया पर हुंदा रेयो।

2 तीमुथियुस 4:22

मैं प्रार्थना करदा कि परमेश्वर तुसा कने रे ते तिन्हेरा अनुग्रह भी तुसा पर हुंदा रे।

फिलेमोन 1:25

मैं प्रार्थना करदा कि मसीह यीशु तुसा पर अनुग्रह करण। आमीन!

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।