2 थिस्सलुनीकियों 3:14 - चम्बयाली नौआ नियम

¹⁴ जे अगर कोई असा री इस चीठ्ठी बिच लिख्खे शिक्षा री गल्लां जो ना मन्ने तां सारेयां सामणे तिस मणू रा खुलासा करी देयो, ते इदेय विश्वासी का दुर रेयो ताकि इय्यां करणे कने तिसजो शर्मिंदगी महसूस हो।

2 थिस्सलुनीकियों 3:14 ပူးပေါင်းရင်းမြစ်များ

मत्ती 18:17

जे से तिन्हा लोक्कां री भी ना सुणे, तां कलीसिया जो तिस कने गल्ल करणे तांइ बोल, जे से कलीसिया री भी नी सुणे, तां तुसा तिसजो कलीसिया का कड्डी देयो ते तिस कने इदेया बर्ताव रख्खो जदेया तुसा कुसकी गैर-यहूदी ते चुंगी लैणे वाले कने करदे।

रोमियों 16:17

अवे ओ संगी विश्वासियों, मैं तुसा रे छंदे करी के बोलदा, कि तुसा तिन्हा लोक्कां का अलग होई जाओ, जे दूज्जेयां रे विश्वास जो कमजोर करदे, अते तिन्हा लोक्कां भी दुर रेयो जे असा री सिखाए री गल्लां री ना-फरमानी करी के कलीसिया बिच मुसीबतां ते फूट पांदा।

1 कुरुन्थियों 4:14

मैं तुसा जो शर्मिंदा करणे तांइ ए गल्लां नी है लिखदा, पर मैं तुसा जो सिखाणे तांइ बोल्लेया करदा है किजोकी तुसा मेरे बच्चेयां सांई हिन जिन्हा कने मैं बड़ा वरी प्यार करदा।

1 कुरुन्थियों 5:11

पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे।

1 कुरुन्थियों 5:9

मैं अपणी पैल्ली चीठ्ठियां बिच तुसा जो लिख्खेया थिया कि व्यभिचारियां री संगती मत करदे।

2 कुरुन्थियों 10:6

ते जां से पूरी तरिक्के कने मसीह रे हुकम मनणे वाले बणी जांदे, तां असी तैयार रैहन्दे कि मसीह यीशु रे हुकमां जो ना मनणे वाले जो सजा दिंदे।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 7:15

ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

कुलुस्सियों 4:16

जां इस चीठ्ठी जो तुसा पढ़ी लिंगे, तां इसजो लौदीकिया सहर री कलीसिया बिच भी पढ़ेयो, ते तुसा तिस चीठ्ठी जो भी पढेयो जे लौदीकिया सहर री कलीसिया ने तुसा जो भेजणी।

1 थिस्सलुनीकियों 4:8

जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।

तीतुस 2:8

जां तू विश्वासियां जो सिखाए तां तू ठीक मकसद कने इस हिसाब कने सिखाए जिस कने मणू तेरी इज्जत करण। से ही सिखाओ जे सच है ते जिस पर कोई बहस ना करी सके ताकि तुसा रे दुश्मण शर्मिंदा होई जाण किजोकी तिन्हा का असा रे बारे बिच बोलणे तांइ किच्‍छ भी गलत नी होणा।

तीतुस 3:10

जे मणू कलीसिया बिच फूट पांदे तिन्हा जो इक्क-दो वरी समझाई देयो कि से इय्यां करणा बांद्द करी दैण। जे अगर से तां भी ना मन्ने तां तिन्हा का अलग रेयो।

फिलेमोन 1:21

हालांकि मैं तेरे जो ए सारी गल्लां लिख्खी करी भेज्जेया करदा है पर फिरी भी मैं जाणदा कि तू ए गल्लां करदा ते तैं इसका बधी करी ही करणा।

इब्रानियों 13:17

अपणे अगुवे री गल्लां मन्नो, ते तिन्हेरे अधीन रेयो। से हमेसा तुसा तांइ चुकन्ने रैहन्दे, ताकि तुसा भटकी ना जाण। किजोकी तिन्हा जो अपणी सेवकाई रा हिसाब परमेश्वर जो दैणा जरुरी है। इय्यां ही करो, ताकि से अपणे कम्मां बिच र खुस ही होण, ना की दुखी होण, नी ता तुसा जो कोई फायदा नी होणा।

2 यूहन्ना 1:10

जे अगर कोई मणू तुसा जो मसीह री शिक्षा का कोई बखरी ही शिक्षा दे, तां ना ही तिस मणू जो अपणे घरे आणे देयो ते ना ही तिस कने कोई सलाम-दुआ रख्खी करी, तिसजो होर प्रोत्साहन देयो।