2 थिस्सलुनीकियों 3:13 - चम्बयाली नौआ नियम

¹³ तुसा ओ संगी विश्वासियों, भले कम्म करणे बिच हिम्मत मत हारो।

2 थिस्सलुनीकियों 3:13 ပူးပေါင်းရင်းမြစ်များ

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 15:28

ते जां सारा किच्‍छ मसीह रे अधीन होई जाणा, तां पुत्तर ने अप्पु भी तिस परमेश्वर रे अधीन होई जाणा जिनिये सारा किच्‍छ मसीह रे अधीन कित्तेया थिया ताकि सारेयां उप्पर परमेश्वर ही सर्वोच्च हो।

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

2 कुरुन्थियों 4:16

इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी।

फिलिप्पियों 1:9

मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

2 थिस्सलुनीकियों 3:15

तां भी तिस कने दुश्मणां जदेया बर्ताव मत करदे, ते जिय्यां तुसा भ्याल जो समझांदे तिय्यां ही तिसजो भी समझाई देयो।

इब्रानियों 12:3

इधेरे तांइ यीशु रे उदारण पर ध्यान करो। जे पाप्पी मणू तिन्हा कने नफरत करदे थिये, तिन्हेरी वजह कने यीशु जो किन्ना जादा सहन करणा पेया। ताकि तुसा निरास होई करी हिम्मत ना छड्डी देयो।

इब्रानियों 12:5

तुसा तिन्हा हिम्मत दैणे वाली गल्लां जो भूली गेरे हिन, जे तुसा जो बच्चेयां सांई सिखाई गयी थी। जिय्यां कि पवित्रशास्त्र बिच लिख्खे गे रा है, “ओ मेरे पुत्तर, जां परमेश्वर तुसा री गलतियां कड्डे, तां बड़ा ध्यान कने सुणो, ते जां तुसा जो बके, तां तिस बेल्ले हार मत मनदे।

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।