2 थिस्सलुनीकियों 3:10 - चम्बयाली नौआ नियम

¹⁰ किजोकी जां असी तुसा कने रैहन्दे थिये, तां भी असा ने तुसा जो मती वरी बोल्लेया कि जे अगर कोई कम्म नी करणा चाओ तां से रोट्टी भी ना खाए।

2 थिस्सलुनीकियों 3:10 ပူးပေါင်းရင်းမြစ်များ

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

यूहन्ना 16:4

अते ए गल्लां मैं इधेरे तांइ बोल्ली कि जां से बेल्ला आये तां तुसा चेत्ता करेयो कि मैं तुसा जो इधेरे बारे बिच दस्सी दित्तेया थिया। अते ए गल्लां मैं तुसा जो सुरु बिच इधेरे तांइ नी दस्सी किजोकी मैं तुसा रे कने थिया।

प्रेरितां रे कम्म 20:18

जिस बेल्ले से तिसेरे नेड़े आए तां से तिन्हा जो बोलणा लगेया, तुसा जो पता है कि पैल्ले दिन का ही, जां मैं एशिया प्रदेश बिच पूज्जेया, मैं हल्ले तिकर तुसा कन्ने किय्यां रेया।

1 थिस्सलुनीकियों 3:4

किजोकी पैल्ले भी जां असी तुसा कने थिये, तां तुसा जो बोल्ली दित्तेया थिया कि असा कने जुल्म होणे, अते इय्यां ही होए रा भी है, तुसा तां ए जाणदे।

1 थिस्सलुनीकियों 4:11

ते जिय्यां असी तुसा जो समझाये रा है कि तुसा इक्क सांती कने भरपूर जिन्दगी जियो, दूए लोक्कां रे कम्मां बिच दखल मत देयो ते मैहनत कने अपणा अपणा काम्म-काज करेयो।

2 थिस्सलुनीकियों 2:5

ए मत भूलदे कि जां मैं तुसा कने थिया तां मैं तुसा जो सारी ए गल्लां बोलदा हुंदा थिया।