2 थिस्सलुनीकियों 3:1 - चम्बयाली नौआ नियम

¹ आखिर बिच, ओ संगी विश्वासियों, असा तांइ प्रार्थना करेया करो कि असी प्रभु रा बसेख तौले-तौले फैलाई सकण ते जिय्यां तुसा तिस पर विश्वास कित्तेया तिय्यां ही दूए मणू भी विश्वास करी सको।

2 थिस्सलुनीकियों 3:1 ပူးပေါင်းရင်းမြစ်များ

मत्ती 9:38

इधेरे तांइ फसल रे मालक, परमेश्वर का प्रार्थना करो कि से अपणी फसल जो बढ़णे तांइ मजदूर भेजण।

लूका 10:2

यीशु ने तिन्हा जो बोल्लेया, कि पक्के रे खेतर मते हिन पर मजूर थोड़े हिन इधेरे तांइ खेतर रे मालका का प्रार्थना करो कि फसल कटणे तिकर होर मजूर भेजी देयो

प्रेरितां रे कम्म 12:24

पर परमेश्वर रा वचन ते फैलदा गेया ते विश्वासियां री गिनती हर दिन बदधी गयी।

प्रेरितां रे कम्म 19:20

ते प्रभु रा वचन जोरो-शोरो कने दुर-दुर तक फैलदा गेया

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

रोमियों 15:30

ओ संगी विश्वासियों, असा रे प्रभु यीशु मसीह रे ते पवित्रात्मा रे प्यार जो याद दुआई करी, मैं तुसा का छन्दे करदा, कि मेरे तांइ परमेश्वर का प्रार्थना करणे बिच मेरे कने मिली करी लग्गी रेयो।

1 कुरुन्थियों 16:9

हालांकि तित्ते मेरे मते सारे विरोधी हिन पर तिसेरे बावजूद मेरे जो तित्ते बड़ा असरदार कम्म करणे रा मौक्का मिल्ले रा है।

2 कुरुन्थियों 1:11

तुसा जो भी प्रार्थना करी असा री मदद करणा चाएदी, ताकि मते मणू असा रे पास्से का तिन्हा आशीषां तांइ परमेश्वर रा शुकर करण जे परमेश्वर ने असा जो मती प्रार्थनां जो सुणी करी दित्ते री हिन।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

कुलुस्सियों 4:3

ते कने-कने असा तांइ भी प्रार्थना करदे रेया करो ताकि परमेश्वर असा जो मसीह रे बसेख रा प्रचार करणे रा इक्क इदेया मौक्का दैण कि असी मसीह रे तिस राज़ रा वर्णन भी करी सकण। मैं अब्बे कैद बिच है किजोकी मैं इस बसेख रा प्रचार कित्ता।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।

1 थिस्सलुनीकियों 1:8

किजोकी तुसा रे प्रदेश का परमेश्वर रे सुब बसेख री जे धूम मची से ना सिर्फ मकिदुनिया अते अखाया बिच बल्कि परमेश्वर बिच तुसा रा विश्वास हर कुते मन्नेया गेया ते असा जो होर कुसकी जो किच्‍छ बोलणे री जरुरत नी है।

1 थिस्सलुनीकियों 2:1

ओ संगी विश्वासियों, तुसा अप्पु ही जाणदे की असा रा तुसा का ईणा बड़ा फायदेमंद होया,

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 थिस्सलुनीकियों 5:17

लगातार प्रार्थना अन्दर ही लग्गी रेयो

1 थिस्सलुनीकियों 5:25

ओ संगी विश्वासियों, असा तांइ प्रार्थना करो।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।