2 थिस्सलुनीकियों 2:8 - चम्बयाली नौआ नियम

⁸ तां तिस दुष्ट ने सामणे आई जाणा, पर बाद बिच जां मसीह यीशु ने आणा तां तिन्हा ने तिस दुष्ट जो अपणे मुँह का निकले रे हुकम ते अपणे हटी करी आणे री महिमा कने मुकाई दैणा।

2 थिस्सलुनीकियों 2:8 ပူးပေါင်းရင်းမြစ်များ

मत्ती 13:19

से भी जे रस्ते पर पेया थिया, उसेरा मतलब है कि जां कोई राज रा वचन सूणान्दा अते तिसजो नी समजदा, तां से शैतान आई करी, जे किच्‍छ तिन्हेरे दिलां बिच बाया गे रा थिया, तिसजो से चुराई लिन्दा।

मत्ती 13:38

खेत्तर दुनिया रे मणू हिन, ठीक बीह् स्वर्ग राज रे मणू हिन, अते जंगली घा शैतान रे मणू हिन।

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

1 कुरुन्थियों 1:28

अते परमेश्वर ने तिन्हा लोक्कां जो चुणेया जिन्हा कने मणू नफरत करदे थिये ते जिन्हा जो मणू तुच्छ, नीच ते किच्‍छ भी नी समजदे थिये, ते परमेश्वर ने तिन्हा लोक्कां जो तिस सोच जो तोड़ने तांइ इस्तेमाल कित्तेया जिस जो दुनिया खास समझदी।

2 थिस्सलुनीकियों 2:3

तिस दिन रे बारे बिच कुसकी भी तरिक्के कने कुसकी भी मणू रे बहकावे बिच मत आदें, किजोकी मसीह यीशु रे हटणे का पैल्ले ही मते लोक्कां ने परमेश्वर रे खिलाफ होई जाणा। ते तिस दुष्ट ने लोक्कां सामणे आई जाणा जिस जो परमेश्वर ने नरक बिच पूरे तरिक्के कने मुकाई दैणा।

1 तीमुथियुस 6:14

कि तू पूरी तरिक्के कने तिन्हा सारी गल्लां जो मन्ने जिसेरा हुकम मैं तिज्जो दित्ते रा है ताकि मसीह यीशु रे हटणे रे दिन तिकर कोई भी तेरे पर गलत कम्म करणे रा इल्जाम ना लाई सके।

2 तीमुथियुस 1:10

पर अवे, मसीह यीशु जे असा जो छुटकारा दिंदे से दुनिया बिच आए ते तिन्हा ने असा पर अपणा अनुग्रह कित्तेया। तिन्हा ने मौत री ताकत जो हराई दित्ते रा है, ते असा जो दस्सेया कि सुब बसेख रे जरिये हमेसा री जिन्दगी रा रस्ता मिलदा जित्ते असा ने हमेसा तांइ इक्क सरीर बिच वास करणा।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 10:27

हाँ, तां फिरी असा जो बड़े डर कने ए गल्ल जाणी लैणी चाएदी कि परमेश्वर ने तिन्हा विरोधी लोक्कां का हिसाब लैणा ते तिन्हा जो नरक री आग्ग बिच पाई करी सजा दैणी।

1 यूहन्ना 2:13

ओ बुजुर्ग लोक्कों, मैं तुसा जो इधेरे तांइ लिखदा कि जे सुरुआत का है तिसजो तुसा जाणदे, ओ जवानों मैं तुसा ओ इधेरे तांइ लिखदा कि तुसा ने तिस शैतान पर जीत हासिल कित्ते री है। ओ बच्चेयों, मैं तुसा जो इधेरे तांइ लिख्खेया कि तुसा पिता परमेश्वर जो जाणी गेरे हिन।

1 यूहन्ना 3:12

असा जो आदम रे पुत्तर कैन सांई नी बणना जे उस शैतान रे पास्से का थिया, ते जिनिए अपणे भ्याल जो मारी रख्खेया, तिसने अपणे भ्याल जो भला किजो मारेया? तिसने इधेरे तांइ इदेया कित्तेया कि तिसेरे कम्म बुरे थिये अते तिसेरे भ्याल रे कम्म धार्मिक थिये।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

प्रकाशित वाक्य 1:16

अते तिन्हा ने अपणे सज्जे हत्थ बिच सत्त तारे लित्ते रे थिये, अते तिन्हेरे मुँह का चोखी दोधारी तलवार बाहर निकलेया करदी थी, अते तिन्हेरा मुँह इदेया चमकेया करदा थिया, जदेया सूरज कड़ाके री धूप रे बेल्ले चमकदा।

प्रकाशित वाक्य 19:15

तिसेरे मुँह का इक्क तेज तलवार निकली जिस कने तिनिये मते देसां जो हराई दैणा। जिस कुसकी ने भी तिसेरे अधिकार जो नी मनणा, तिसजो तिनिये बड़ी वरी सजा दैणी। जिय्यां कि कुसकी रसकुंड का अंगूर रा रस्स चुड़ी-चुड़ी करी बाहर रुड़ी जांदा, तिय्यां ही तिनिये सर्वशक्तिमान परमेश्वर रा प्रचंड गुस्सा दिखाणा।

प्रकाशित वाक्य 2:16

इधेरे तांइ तौबा करी लै, जे अगर तुसा अपणे पाप्पां का तौबा नी कित्ती तां मैं तुसा का आणा ते अपणे मुँह का निकलणे वाली तलवार कने तुसा कने लड़ाई करणी।

प्रकाशित वाक्य 20:10

तिन्हेरा भड़काणे वाला शैतान आग्ग ते गधंक री तिस झील बिच जिसेरे बिच से ड्रोणे जानवर ते झूठ्ठा भविष्यद्वक्ता भी होणा पाई दित्ते जाणा: ते से रात-दिन हमेसा-हमेसा तिकर तड़पदे रैह्णा।