2 थिस्सलुनीकियों 2:5 - चम्बयाली नौआ नियम

⁵ ए मत भूलदे कि जां मैं तुसा कने थिया तां मैं तुसा जो सारी ए गल्लां बोलदा हुंदा थिया।

2 थिस्सलुनीकियों 2:5 ပူးပေါင်းရင်းမြစ်များ

मत्ती 16:9

कै तुसा हल्ले तांइ नी समजे? जां पंज हजार मणूआं तांइ पंज रोटियां थियां तां तुसा किन्ने टोकरे भरी के चुक्के थिये?

मरकुस 8:18

कै तुम्हारी हाख्खियां हुन्दे भी नी दिखदे, अते कान्न हुन्दे भी नी सूणदे? कै तुसा जो किच्‍छ भी चेत्ता नी है?”

यूहन्ना 16:4

अते ए गल्लां मैं इधेरे तांइ बोल्ली कि जां से बेल्ला आये तां तुसा चेत्ता करेयो कि मैं तुसा जो इधेरे बारे बिच दस्सी दित्तेया थिया। अते ए गल्लां मैं तुसा जो सुरु बिच इधेरे तांइ नी दस्सी किजोकी मैं तुसा रे कने थिया।

प्रेरितां रे कम्म 20:31

इधेरे तांइ चुकन्ने रेयो ते याद रख्खो कि मैं तुसा कने त्रै साल रेया ते हर बेल्ले तुसा री फिकर कित्ती ते कदी भी समझाणा नी छड्डेया।

गलातियों 5:21

जलन, मतवाले होई जाणा, लीला-क्रीड़ा अते इन्हा सांई होर-होर कम्म हिन, इन्हेरे बारे अन्दर मैं तुसा कने पैल्ले का ही जताई दिन्दा, जिय्यां कि पैल्ले भी जताई चुके रा है कि इदेय-इदेय कम्म करणे वाले मणू परमेश्वर रे राज रे वारिस नी बणी सकदे।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

1 थिस्सलुनीकियों 3:4

किजोकी पैल्ले भी जां असी तुसा कने थिये, तां तुसा जो बोल्ली दित्तेया थिया कि असा कने जुल्म होणे, अते इय्यां ही होए रा भी है, तुसा तां ए जाणदे।

2 थिस्सलुनीकियों 2:6

से दुष्ट हल्ले सामणे नी आए रा है, किजोकी किच्‍छ है जे तिसजो रोक्केया करदा है। तुसा जो पता ही है कि से कै है जिस ने तिसजो रोक्की करी रख्खे रा है। इधेरे तांइ परमेश्वर रे ठैहराए रे समय पर तिस दुष्ट ने सामणे आणा।

2 थिस्सलुनीकियों 3:10

किजोकी जां असी तुसा कने रैहन्दे थिये, तां भी असा ने तुसा जो मती वरी बोल्लेया कि जे अगर कोई कम्म नी करणा चाओ तां से रोट्टी भी ना खाए।

2 पतरस 1:15

इधेरे तांइ मैं हल्ले चीठ्ठी लिख्खी करी तुसा जो ए दसणे री भरपूर कोसीस करेया करदा है, ताकि तुसा मेरे मरणे रे बाद इन्हा गल्लां जो याद रख्खी सको।