2 थिस्सलुनीकियों 2:3 - चम्बयाली नौआ नियम

³ तिस दिन रे बारे बिच कुसकी भी तरिक्के कने कुसकी भी मणू रे बहकावे बिच मत आदें, किजोकी मसीह यीशु रे हटणे का पैल्ले ही मते लोक्कां ने परमेश्वर रे खिलाफ होई जाणा। ते तिस दुष्ट ने लोक्कां सामणे आई जाणा जिस जो परमेश्वर ने नरक बिच पूरे तरिक्के कने मुकाई दैणा।

2 थिस्सलुनीकियों 2:3 ပူးပေါင်းရင်းမြစ်များ

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

इफिसियों 5:6

इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।

1 यूहन्ना 4:3

ते जे कोई आत्‍मा यीशु जो नी मन्दी, से परमेश्वर रे पास्से का नी है ते से ही तां मसीह यीशु रे विरोधी री आत्‍मा है जिसेरी चर्चा तुसा सुणी बैठ्ठे रे हिन कि, से इणे वाला है ते से अब्बे भी दुनिया अन्दर है

प्रकाशित वाक्य 17:11

जे ड्रोणा जानवर पैल्ले जिन्दा थिया, ते अवे मरी चुके रा है, से अप्पु अठमा राज्जा है, ते तिन्हा सत्त बिच का ही है। ते आखिर बिच से राज्जे जो भी हमेसा तांइ सजा मिलणी।

प्रकाशित वाक्य 17:8

जे ड्रोणा जानवर तैं अब्बे दिख्खेया, से पैल्ले कदी जिन्दा हुंदा थिया, पर अवे से मरी गे रा है, इनिये पताल का बाहर आणा ते परमेश्वर ने तिसजो हमेसा तांइ मुकाई दैणा। जे मणू धरती पर रेया करदे हिन, जिन्हेरे नां परमेश्वर ने अपणी जिन्दगी री कताब बिच नी लिख्खे रे हिन, तिन्हा लोक्कां ने तिस जानवर जो दिख्खी करी बड़ा हैरान होणा। से कदी जिन्दा हुंदा, पर अवे से मरी गे रा है, पर तिनिये फिरी वापिस आणा।