2 थिस्सलुनीकियों 2:2 - चम्बयाली नौआ नियम

² जे अगर तुसा सूणदे कि मसीह यीशु रे हटणे रा बेल्ला आई गे रा है तां इन्नी असानी कने उदास मत होई जांदे या डरदे मत।

2 थिस्सलुनीकियों 2:2 ပူးပေါင်းရင်းမြစ်များ

मत्ती 24:24

किजोकी झूठ्ठे मसीह ते झूठ्ठे भविष्यद्वक्ता खड़ी उठणे, ते बड्डी-बड्डी चीजां ते हैरान करणे वाले चमत्कार दिखाणे कि जे होई सके ते चुणे रे लोक्कां जो भी भड़काई दैण।

मरकुस 13:7

जां तुसा लड़ाईयां ते लड़ाईयां री धमकियां सुणगे, तां डरदे मत। हाँ, ए सारी गल्लां तां होणी ही हिन, पर अंत इन्ने तौले नी होणा।

लूका 21:19

पर सबर कने तुसा अपणी जिन्दगी बचाए रखणी।

लूका 21:9

जां तुसा लड़ाई झगड़े कने दंगेया रे बारे सुनणा तां डरी मती जान्दे किजोकी ए सब गल्लां होणा जरुरी हिन, पर दुनिया रा अन्त तिस्सी बेल्ले ही नी होई जाणा।

यूहन्ना 14:1

तुसा रा मन दुखी ना हो। परमेश्वर पर विश्वास रख्खो, ते मेरे पर भी विश्वास रख्खो।

यूहन्ना 14:27

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

1 कुरुन्थियों 14:32

ते जे भविष्यद्वक्ता परमेश्वर का मिल्ले रे बसेख री भविष्यवाणी करेया करदा हो, से अप्पु जो काबू बिच रखदा, ते से अपणी मर्जी कने बोल्ली सकदा या रुकी सकदा।

1 कुरुन्थियों 7:26

किजोकी आज्‍ज-कल विश्वासी मणूआं कने तंगी-मुसीबतां वाली गल्लां होया करदी हिन, इधेरे तांइ मैं ए ही सलाह दैणा चाह्‍ंगा कि जे मणू जिय्यां हिन तिय्यां ही रेयो।

इफिसियों 5:6

इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

1 थिस्सलुनीकियों 3:3

ताकि इन्हा मुसीबतां का कोई ना घबराये किजोकी तुसा तां जाणदे ही कि असा जो जुल्म सैह्‍णे ही हिन।

1 थिस्सलुनीकियों 4:15

किजोकी असी तुसा जो प्रभु यीशु रे वचन रे हिसाब कने दस्सेया करदे हिन कि जां मसीह यीशु ने हटणा तां असा जिन्दे लोक्कां का पैल्ले मुर्देयां बिच का जिन्दे कित्ते गेरे लोक्कां ने मसीह यीशु कने मिलणा।

1 थिस्सलुनीकियों 5:2

किजोकी तुसा अप्पु ठीक तरिक्के कने जाणदे कि जिय्यां कुसकी जो भी चोर रे आणे रा पता नी हुंदा तिय्यां ही प्रभु यीशु रे हटणे रा भी समय भी होणा।

2 थिस्सलुनीकियों 2:15

इधेरे तांइ ओ संगी विश्वासियों, विश्वास बिच मजबूत बणो ते जे गल्लां असा ने तुसा जो चीठ्ठी या आमणे-सामणे सिखाए री हिन तिन्हा जो मनणा मत छडदे।

2 थिस्सलुनीकियों 3:17

मैं पौलुस तुसा जो अपणे हत्थां कने नमस्ते लिख्खी करी भेजदा। मैं अपणी चीठ्ठी रे आखिर बिच इय्यां ही लिखदा ताकि हर कुसकी जो ए पता चली जाए कि चीठ्ठी मैं भेज्जी री है।

प्रकाशित वाक्य 19:20

से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।