2 थिस्सलुनीकियों 2:17 - चम्बयाली नौआ नियम

¹⁷ ते असी ए प्रार्थना करदे कि पिता परमेश्वर ते मसीह यीशु तुसा जो हिम्मत ते ताकत दे ताकि तुसा ठीक कम्म करदे ते ठीक गल्लां बोलदे रेयो।

2 थिस्सलुनीकियों 2:17 ပူးပေါင်းရင်းမြစ်များ

रोमियों 1:11

किजोकी मैं तुसा का मिलणे री इच्छा करदा ताकि मैं तुसा जो आत्मिक आशीषां देयां, जिस कने तुसा विश्वास बिच होर मजबूत होई जाओ,

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

2 कुरुन्थियों 1:21

परमेश्वर ही हिन जे असा जो तुसा कने मसीह यीशु तांइ मजबूत करदे, ते लोक्कां जो मसीह यीशु रा सुब बसेख दसणे तांइ असा जो चुणे रा है।

कुलुस्सियों 2:7

ते मसीह बिच विश्वास रखणे बिच मजबूत बणे रेयो। जिय्यां की तुसा जो सिखाए गे रा है, तिय्यां ही विश्वास बिच मजबूत हुंदे जाओ ते परमेश्वर रा जादा का जादा शुक्रिया करो।

1 थिस्सलुनीकियों 3:13

अते इस तरिक्के कने से तुसा सारेयां रे मन जो मजबूत करण, अते पिता परमेश्वर रे सामणे असा रे प्रभु यीशु रे हटणे पर अपणे सब लोक्कां कने पवित्र अते बेकसूर ठैहराई देंन।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

2 थिस्सलुनीकियों 3:3

पर प्रभु भरोस्सेमंद हिन, तिन्हा ने तुसा जो आत्मिक रुप कने मजबूत बनाणा ते तुसा जो शैतान का बचाई रखणा।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!